Þriðja barnið er væntanlegt í apríl

Kensington höll sendi frá sér tilkynningu í dag varðandi þriðja barn Katrínar, hertogaynju af Cambridge, og Vilhjálms, hertogans af Cambridge,. Miklar vangaveltur hafa verið um hugsanlegan fæðingardag barnsins en nú hefur mánuðurinn verið staðfestur. Barnið er væntanlegt í apríl á næsta ári.

 

The Duke and Duchess of Cambridge are delighted to confirm they are expecting a baby in April 2018. pic.twitter.com/jOzB1TJMof

— Kensington Palace (@KensingtonRoyal) October 17, 2017

Katrín þjáist vegna sjúklegrar morgunógleði æa þessari meðgöngu líkt og á hinum meðgöngunum. Hún tók því rólega fyrstu vikurnar en er nú byrjuð að mæta aftur á viðburði með Vilhjálmi. 

Fyrir eiga Vilhjálmur og Katrín tvö börn, Georg sem fæddist í júlí árið 2013 og Karlottu sem fæddist í maí árið 2015. Vilhjálmur er erfingi krúnunnar á eftir föður sínum, Karli. Georg prins er sá þriðji í erfðaröðinni og Karlotta sú fjórða. Þriðja barn þeirra Katrínar og Vilhjálms verður því það fimmta í röðinni.