Miklar sveiflur í borginni Jóhann K. Jóhannsson skrifar 30. ágúst 2017 21:00 Framsóknarflokkurinn og Björt framtíð næðu engum manni inn í borgarstjórn væri kosið í dag samkvæmt könnun sem Stöð 2, Vísir og Fréttablaðið birtu í dag. Samkvæmt henni er Sjálfstæðisflokkurinn með yfirburðastöðu í borginni en Samfylking næði aðeins tveimur mönnum inn í borgarstjórn. Samkvæmt niðurstöðu könnunarinnar fengi Sjálfstæðisflokkurinn 34,2 prósent atkvæða og er það næstum tvöfalt meira en Vinstri græn en þeir eru næst stærsti flokkurinn samkvæmt niðurstöðum. Samfylkingin er með 13,7 prósent, Píratar 12,4 prósent og Flokkur fólksins mælist með 7 prósent. Miðað við þessa niðurstöðu næðu Framsókn og flugvallarvinir og Björt framtíð engum manni inn í borgarstjórn. Miðað við þessa niðurstöðu væri kosið í dag fengi Flokkur fólksins einn mann inn í borgarstjórn, Píratar og Samfylking tvo, Sjálfstæðisflokkurinn sex, Viðreisn einn og Vinstri grænir þrjá. Hugmyndir hafa verið upp um að fjölga borgarfulltrúum úr fimmtán í tuttugu og þrjá og verði það gert er niðurstaðan á þessa leið. Flokkur fólksins fengi tvo borgarfulltrúa, Píratar og Samfylking þrjá, Sjálfstæðisflokkurinn níu, Viðreisn 1 og Vinstri grænir fimm. Hringt var í 1.063 kjósendur í Reykjavík samkvæmt slembiúrtaki dagana 28. og 29. ágúst. Af þeim náðist í 791 og skiptust svarendur jafnt eftir kyni og hlutfallslega eftir aldri. Svarhlutfallið var 74,4 prósent en alls tóku 46 prósent þeirra sem náðist í afstöðu. Þá sögðust tólf prósent ekki ætla kjósa eða skipa auðu og átján prósent voru ekki búin að gera upp hug sinn. Tuttugu og fjögur prósent þeirra sem haft var samband við vildu ekki svara spurningunni. Nánari upplýsingar um framkvæmd könnunarinnar má lesa í Fréttablaðinu.Sjálfstæðisflokkurinn leiðtogalaus Niðurstaða könnunarinnar er áhugaverð í ljósi þess að oddviti Sjálfstæðisflokksins, Halldór Halldórsson, tilkynnti í kvöldfréttum Stöðvar 2 um miðjan ágúst að hann muni ekki bjóða sig fram í komandi borgarstjórnarkosningum. Flokkurinn er því leiðtogalaus eins og staðan er í dag en stefnt er að leiðtogakjöri innan flokksins. Samkvæmt heimildum fréttastofu hafa Svanhildur Hólm Valsdóttir, aðstoðarkona Bjarna Benediktssonar forsætisráðherra, Eyþór Arnalds, fyrrverandi oddviti Sjálfstæðisflokksins í Árborg, Páll Magnússon, alþingismaður, Borgar Þór Einarsson, aðstoðarmaður Guðlaugs Þórs Þórðarsonar, utanríkisráðherra og Jón Karl Ólafsson, framkvæmdastjóri flugvallasviðs Isavia, verið nefnd sem álitlegt leiðtogaefni flokksins í borgarstjórnarkosningum næsta vor.Ákall á breytingar Inga Sæland, formaður Flokks fólksins, segir fylgið sýna að borgarbúar leggi traust sitt á Flokk fólksins og segist hún ótrúlega þakklát fyrir þann mikla velvilja og vinsemd sem meðlimir flokksins finni fyrir. Hún segir ljóst að Reykvíkingar séu að kalla eftir breytingum. „Við setjum aðalmarkmiðin á húsnæðismálin og skólakerfið. Skólakerfið er eitt af því sem að mig langar virkilega að taka vel til í og svo samgöngurnar. Þetta eru þau málefni býst ég við sem að við eigum öll eftir að nálgast hvert á sinn hátt,“ segir Inga Sæland.Breytt niðurstaða þegar lagt verður á borð Heiða Björg Hilmisdóttir, borgarfulltrúi Samfylkingarinnar, segist ekki telja að flokkurinn sé að tapa borginni. Könnunin komi ekki skemmtilega út en þegar nær dragi að kosningum og íbúar sjái hver baráttumálin séu og Samfylkingin geti sýnt betur hverju hún hefur verið að vinna að á þessu kjörtímabili munu niðurstöðurnar vera aðrar. „Meirihlutinn er þarna með tæpan meirihluta. Við tökum það til okkar. Við höfum verið dugleg að vinna. Við höfum gert stórátak í húsnæðisuppbygginu hér. Það hefur aldrei verið eins mikið byggt og núna. Við erum í stórsókn í skólamálum með menntastefnu og í velferðarmálum og fleiri málum. Við erum sannfærð um að þegar við leggjum það á borðið þegar kosningarnar nálgast þá munu Reykvíkingar styðja þennan meirihluta áfram,“ segir Heiða. Sveitarstjórnarkosningar Mest lesið Þrjátíu þúsund fengu hærri lífeyri í dag en síðustu mánaðamót Innlent Vill skipta út borgarstjórnarflokknum en halda Hildi inni Innlent Sólveig Anna sé sjálf sek um dyggðaskreytingar Innlent „Kynlífsdúkka“ af ungu barni meðal gagna máls gegn fyrrverandi ráðherra Erlent Biðjast ekki afsökunar Innlent Hútar réðust inn til Sameinuðu þjóðanna og tóku ellefu starfsmenn í hald Innlent Telja Rússa hafa truflað flugvél forseta framkvæmdastjórnar ESB Erlent Vara við því að Kennedy ógni heilsu landsmanna Erlent Friðarsúlan „gagnslaus“ og megi alveg eins heita „woke-súlan“ Innlent Rúmlega sex hundruð látnir eftir skjálfta í Afganistan Erlent Fleiri fréttir Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar Ferðamaður tekinn á tvö hundruð kílómetra hraða Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Fer hörðum orðum um „óveðursskýið“ Jóhann Pál Boðar sumarveður inn í september Google Maps beinir ökumönnum um Krýsuvíkurleiðina vegna villu Uppsagnir vegna veiðigjalda, hamfarakólnun og fagnaðarlæti Flokks fólksins Ísland standi frammi fyrir hamfarakólnun verði ekkert gert „Mikill léttir“ af nýjum þingflokksformanni Hafstraumar, menntun, húsnæðisverð og pólitíkin í haust á Sprengisandi Sjá meira
Framsóknarflokkurinn og Björt framtíð næðu engum manni inn í borgarstjórn væri kosið í dag samkvæmt könnun sem Stöð 2, Vísir og Fréttablaðið birtu í dag. Samkvæmt henni er Sjálfstæðisflokkurinn með yfirburðastöðu í borginni en Samfylking næði aðeins tveimur mönnum inn í borgarstjórn. Samkvæmt niðurstöðu könnunarinnar fengi Sjálfstæðisflokkurinn 34,2 prósent atkvæða og er það næstum tvöfalt meira en Vinstri græn en þeir eru næst stærsti flokkurinn samkvæmt niðurstöðum. Samfylkingin er með 13,7 prósent, Píratar 12,4 prósent og Flokkur fólksins mælist með 7 prósent. Miðað við þessa niðurstöðu næðu Framsókn og flugvallarvinir og Björt framtíð engum manni inn í borgarstjórn. Miðað við þessa niðurstöðu væri kosið í dag fengi Flokkur fólksins einn mann inn í borgarstjórn, Píratar og Samfylking tvo, Sjálfstæðisflokkurinn sex, Viðreisn einn og Vinstri grænir þrjá. Hugmyndir hafa verið upp um að fjölga borgarfulltrúum úr fimmtán í tuttugu og þrjá og verði það gert er niðurstaðan á þessa leið. Flokkur fólksins fengi tvo borgarfulltrúa, Píratar og Samfylking þrjá, Sjálfstæðisflokkurinn níu, Viðreisn 1 og Vinstri grænir fimm. Hringt var í 1.063 kjósendur í Reykjavík samkvæmt slembiúrtaki dagana 28. og 29. ágúst. Af þeim náðist í 791 og skiptust svarendur jafnt eftir kyni og hlutfallslega eftir aldri. Svarhlutfallið var 74,4 prósent en alls tóku 46 prósent þeirra sem náðist í afstöðu. Þá sögðust tólf prósent ekki ætla kjósa eða skipa auðu og átján prósent voru ekki búin að gera upp hug sinn. Tuttugu og fjögur prósent þeirra sem haft var samband við vildu ekki svara spurningunni. Nánari upplýsingar um framkvæmd könnunarinnar má lesa í Fréttablaðinu.Sjálfstæðisflokkurinn leiðtogalaus Niðurstaða könnunarinnar er áhugaverð í ljósi þess að oddviti Sjálfstæðisflokksins, Halldór Halldórsson, tilkynnti í kvöldfréttum Stöðvar 2 um miðjan ágúst að hann muni ekki bjóða sig fram í komandi borgarstjórnarkosningum. Flokkurinn er því leiðtogalaus eins og staðan er í dag en stefnt er að leiðtogakjöri innan flokksins. Samkvæmt heimildum fréttastofu hafa Svanhildur Hólm Valsdóttir, aðstoðarkona Bjarna Benediktssonar forsætisráðherra, Eyþór Arnalds, fyrrverandi oddviti Sjálfstæðisflokksins í Árborg, Páll Magnússon, alþingismaður, Borgar Þór Einarsson, aðstoðarmaður Guðlaugs Þórs Þórðarsonar, utanríkisráðherra og Jón Karl Ólafsson, framkvæmdastjóri flugvallasviðs Isavia, verið nefnd sem álitlegt leiðtogaefni flokksins í borgarstjórnarkosningum næsta vor.Ákall á breytingar Inga Sæland, formaður Flokks fólksins, segir fylgið sýna að borgarbúar leggi traust sitt á Flokk fólksins og segist hún ótrúlega þakklát fyrir þann mikla velvilja og vinsemd sem meðlimir flokksins finni fyrir. Hún segir ljóst að Reykvíkingar séu að kalla eftir breytingum. „Við setjum aðalmarkmiðin á húsnæðismálin og skólakerfið. Skólakerfið er eitt af því sem að mig langar virkilega að taka vel til í og svo samgöngurnar. Þetta eru þau málefni býst ég við sem að við eigum öll eftir að nálgast hvert á sinn hátt,“ segir Inga Sæland.Breytt niðurstaða þegar lagt verður á borð Heiða Björg Hilmisdóttir, borgarfulltrúi Samfylkingarinnar, segist ekki telja að flokkurinn sé að tapa borginni. Könnunin komi ekki skemmtilega út en þegar nær dragi að kosningum og íbúar sjái hver baráttumálin séu og Samfylkingin geti sýnt betur hverju hún hefur verið að vinna að á þessu kjörtímabili munu niðurstöðurnar vera aðrar. „Meirihlutinn er þarna með tæpan meirihluta. Við tökum það til okkar. Við höfum verið dugleg að vinna. Við höfum gert stórátak í húsnæðisuppbygginu hér. Það hefur aldrei verið eins mikið byggt og núna. Við erum í stórsókn í skólamálum með menntastefnu og í velferðarmálum og fleiri málum. Við erum sannfærð um að þegar við leggjum það á borðið þegar kosningarnar nálgast þá munu Reykvíkingar styðja þennan meirihluta áfram,“ segir Heiða.
Sveitarstjórnarkosningar Mest lesið Þrjátíu þúsund fengu hærri lífeyri í dag en síðustu mánaðamót Innlent Vill skipta út borgarstjórnarflokknum en halda Hildi inni Innlent Sólveig Anna sé sjálf sek um dyggðaskreytingar Innlent „Kynlífsdúkka“ af ungu barni meðal gagna máls gegn fyrrverandi ráðherra Erlent Biðjast ekki afsökunar Innlent Hútar réðust inn til Sameinuðu þjóðanna og tóku ellefu starfsmenn í hald Innlent Telja Rússa hafa truflað flugvél forseta framkvæmdastjórnar ESB Erlent Vara við því að Kennedy ógni heilsu landsmanna Erlent Friðarsúlan „gagnslaus“ og megi alveg eins heita „woke-súlan“ Innlent Rúmlega sex hundruð látnir eftir skjálfta í Afganistan Erlent Fleiri fréttir Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar Ferðamaður tekinn á tvö hundruð kílómetra hraða Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Fer hörðum orðum um „óveðursskýið“ Jóhann Pál Boðar sumarveður inn í september Google Maps beinir ökumönnum um Krýsuvíkurleiðina vegna villu Uppsagnir vegna veiðigjalda, hamfarakólnun og fagnaðarlæti Flokks fólksins Ísland standi frammi fyrir hamfarakólnun verði ekkert gert „Mikill léttir“ af nýjum þingflokksformanni Hafstraumar, menntun, húsnæðisverð og pólitíkin í haust á Sprengisandi Sjá meira