Gordon Ramsay í veiði á Íslandi

Sjónvarpskokkurinn, ólátabelgurinn og Íslandsvinurinn Gordon Ramsay er staddur hér á landi.

Í kvöld sást til hans á veitingastaðnum Essensia við Hverfisgötu. Mun Ramsay vera hér á landi til að fara í laxveiði.

Ramsay á fjölda veitingastaða um allan heim og eru þeir þess heiðurs aðnjótandi að vera með 16 Michelin-stjörnur í heildina.

Hann hefur einnig getið sér gott orð í sjónvarpi til að mynda með þættina Hell‘s Kitchen, Kitchen Nightmares og verið gestur í fjölda annarra þátta.

Ekki er vitað hve lengi Ramsey ætlar að dvelja hér.