Fékk sendan nýjan bolla frá Bayern

Enskur stuðningsmaður þýska liðsins Bayern var ekki lítið hissa er þýska félagið kom til bjargar er hann kvartaði yfir því hvað Bayern-bollinn hans var orðinn laskaður.

Jim Entwistle skrifaði á Twitter að kaffibollinn væri orðinn 21 árs gamall og úr sér genginn. Hann hefði því lokið sinni þjónustu.

Twitter-síða Bayern var fljót til að svara. Sagði að þetta gengi ekki upp og bað stuðningsmanninn um heimilisfang hans.

Svo sendi Bayern honum nýjan bolla og bréf þar sem félagið þakkaði fyrir að eiga svona traustan stuðningsmann. Þvílík eðalframkoma.

Skemmst er frá því að segja að Englendingurinn er í skýjunum.

After 20+ years of service, 1000s of brews, I'm retiring the @FCBayernEN mug. Like it's owner, it's become faded and cracked. pic.twitter.com/G9yDMKPDAV

— Jim Entwistle (@jim_entwistle) June 8, 2017

https://t.co/6mDDLrgp4g

— Jim Entwistle (@jim_entwistle) June 8, 2017