Sjáðu myndirnar úr brúðkaupi ársins í Bretlandi

Pippa Middleton, systir Katrínar Middleton, hertogaynju af Cambridge, gekk í dag í það heilaga með bankamanninum James Matthews. Tók Pippa sig afskaplega vel út í brúðarkjól frá Giles Deacon.

Vígslan átti sér stað í kirkju heilags Markúsar í þorpinu Englefield í Berkshire, nálægt þeim stað sem Pippa ólst upp. Veislan verður svo haldin í garði foreldra hennar. 

Margmenni var við athöfnina en á meðal viðstaddra voru systir hennar Katrín, prinsarnir Vilhjálmur og Harry og tenniskappinn Roger Federer.