Guðni sendir Macron heillaóskir

Guðni Th. Jóhannesson, forseti Íslands, hefur sent nýkjörnum forseta Frakklands, Emmanuel Macron, heillaóskir í tilefni af embættistöku hans í dag.

Guðni minnir í kveðju sinni á þau miklu verkefni sem blasi við í Frakklandi og víðar í Evrópu, áskoranir og hættur sem og nauðsyn þess að verja grundvallarmannréttindi á borð við málfrelsi, trúfrelsi, jafnrétti og öryggi.

Hann nefnir jafnframt margþætt og góð samskipti Frakka og Íslendinga, sem raunar hafi staðið í margar aldir, og að sameiginlegri sýn í umhverfismálum.

Þá óski Íslendingar nýju forseta velfarnaðar í hinu vandasama starfi.