Léttþungavigtarmeistarinn hjá UFC, Daniel Cormier, hefur ekki mikla trú á félaga sínum hjá UFC, Conor McGregor, í boxbardaga gegn Floyd Mayweather.
Það þarf auðvitað ekkert að fjölyrða um að þeir gætu mæst í boxbardaga síðar á þessu ári. Hinn fertugi Mayweather barðist síðast í september árið 2015 en það skiptir Cormier engu máli.
„Floyd myndi drepa Conor. Conor McGregor getur ekki boxað við Floyd Mayweather. Við skulum tala í alvörunni. Hvorugur getur hoppað inn í íþrótt hins,“ sagði Cormier sem ver titil sinn um helgina gehn Anthony Johnson.
„Ef þetta væri MMA-bardagi þá myndi Conor drepa hann. Floyd myndi ekki endast í tvær mínútur í búrinu með honum.
„Floyd Mayweather er þannig fjárhagslega stæður að hann getur samið reglurnar eftir sínu höfði. Conor mun þurfa að fara til hans og því mun Floyd lemja hann.“
Floyd myndi drepa Conor
Tengdar fréttir
Mayweather vill berjast við Conor í Moskvu
Floyd Mayweather segist helst kjósa að berjast við Conor McGregor í Moskvu, höfuðborg Rússlands.
Ef Conor er skynsamur lætur hann mig lemja sig áður en hann tapar í UFC
Floyd Mayweather er mikið í því að skipa Conor McGregor fyrir þessa dagana.
Dana: Það verður af þessum bardaga
Bardagi Floyd Mayweather og Conor MGregor verður líklegri með hverjum deginum og nú hefur forseti UFC, Dana White, sagt að hann telji að það verði af bardaganum.
De la Hoya: Stórslys fyrir UFC ef Conor berst við Mayweather
Gulldrengurinn Oscar de la Hoya skilur ekki af hverju UFC er að íhuga Conor McGregor að berjast við Floyd Mayweather í boxbardaga.
