Emmsjé Gauti og Robbi Kronik taka yfir FM957

Í kvöld munu þeir Emmsjé Gauti og Robbi Kronik vera með svo kallað „takeover“ á FM957 frá sex til átta, beint á eftir hinum sívinsæla þætti FM95BLÖ.

Þetta er í fyrst sinn sem sérstakur rappþáttur verður á FM957. Strákarnir munu fá til sín góða gesti í hljóðver má þar helst nefna Aron Can og Alvia Islandia.

Heppnin gæti einnig verið með einhverjum hlustanda þar sem að strákarnir ætla að gefa nokkra miða á Young Thug tónleikana sem er jú ástæða þess að þeir eru með þennan skemmtilega þátt. Aron Can og Emmsjé Gauti munu hita upp fyrir Young Thug í sumar en fleiri nöfn verða kynnt í þættinum.

Young Thug kemur fram í Laugardalshöll þann 7. júlí ásamt fríðu föruneyti og má finna miða á tix.is, miðaverð er 9.900 kr.