Keflavík með fínan sigur á Val

Keflavík vann góðan sigur á Val í Dominos-deild kvenna í körfubolta í Valshöllinni í dag en leikurinn fór 60-56 fyrir gestina.

Staðan í hálfleik var 31-31 og var leikurinn í raun jafn allan tímann. Keflvíkingar voru einu skrefi á undan heimamönnum í þeim síðari og því fór sem fór.

Mia Loyd skoraði 29 stig fyrir Valsstúlkur í leiknum en stigaskorið dreifðist mun meira hjá Keflavík og var Erna Hákonardóttir stigahæst með 16 stig.

Keflvíkinar í 2. sæti deildarinnar en Valur í því sjötta.