Einhæf túlkun olli vonbrigðum Jónas Sen skrifar 20. desember 2016 10:45 Kammersveit Reykjavíkur með einsöngvara og stjórnanda á jólatónleikunum. Vísir/Stefán Tónlist Kammersveit Reykjavíkur flutti verk eftir Händel, einnig J.S og C.P.E. Bach. Stjórnandi og einleikari: Jory Vinikour. Norðurljós í Hörpu sunnudaginn 18. desember Jóhann Sebastian Bach var ekki bara duglegt tónskáld, hann var líka duglegur í hjónasænginni. Hann átti sjö börn með fyrri konunni, en þá dó hún. Með síðari konunni þrusaði hann niður þrettán börnum til viðbótar. Eitt af börnunum sem hann átti með fyrri konunni var Carl Philipp Emanuel. Hann fetaði í fótspor pabba síns og gerðist tónskáld. Ólíkt hinum formfasta pabba var tónlist sonarins þó miklu líflegri og tilfinningaþrungnari. Hún bar vissulega keim af barokktónlist, en horfði líka fram á veginn til Mozarts og Haydns, jafnvel til rómantíkurinnar þar á eftir. Kammersveit Reykjavíkur bauð því miður upp á nokkuð ósannfærandi flutning á tveimur verkum tónskáldsins í Norðurljósum í Hörpu á sunnudaginn. Það fyrra var Sinfónía Wq 182/3. Aðeins strengjaleikarar spiluðu og leikurinn var að mestu laus við hnökra. En túlkunin var andlaus undir stjórn Jory Vinikour. Hröðu kaflarnir voru svo hressir og drífandi að það var of mikið og virkaði manískt. Ekkert mótvægi var við allt fjörið, hægi kaflinn var ósköp flatneskjulegur og karakterlaus. Almennt voru litbrigði af skornum skammti, það var einhvern veginn allt grátt. Seinna verkið eftir tónskáldið var Sembalkonsert í d-moll Wq 23. Þar var Vinikour einleikarinn. Semballinn er forfaðir píanósins, en ekki er slegið með hömrum á strengina heldur eru þeir plokkaðir með sérstökum mekanisma. Það skiptir ekki máli hversu fast eða laus maður ýtir á nóturnar, styrkleikinn er ávallt sá sami. Þó er hægt að toga í nokkra takka til að breyta um styrk, en það er mun vélrænna en þegar píanóið er annars vegar. Engu að síður hefur semballinn sinn sjarma, helsti gallinn er hversu veikróma hann er. Þegar um geisladisk er að ræða gerir það ekki til, en í tónleikasal verður þetta mjög bagalegt. Segjast verður eins og er að útkoman á tónleikunum olli vonbrigðum. Ég sat á aftasta bekk og heyrði lítið í sembalnum í samanburði við strengjaleikinn, sem virkaði alltof sterkur. Þetta var synd því einleikur Vinikour var ágætur, lipur og snyrtilegur. Það var bara ekki nóg. Betur hefði komið út ef spilað hefði verið á eldri gerðir strengjahljóðfæra sem eru mildari og því ekki eins yfirgnæfandi. Annað á tónleikunum var ekki heldur gott. Jú, gestaleikur Áshildar Haraldsdóttur flautuleikara og Einars Jónssonar trompetleikara var að vísu yfirleitt pottþéttur. En Concerto Grosso BWV 8 eftir Händel risti ekki djúpt, hann var sama marki brenndur og Sinfónían sem áður var minnst á. Einsöngur Kristins Sigmundssonar í aríum úr kantötu og úr Jólaóratóríunni eftir J.S. Bach og úr Messíasi eftir Händel var auk þess ekki fullnægjandi. Kristinn virtist ekki í sínu besta formi. Röddin var ögn rám og stundum voru hraðar nótnastrófur á mörkunum að vera hreinar. Kristinn má þó eiga það að hann söng aukalagið fallega, Nóttin var sú ágæt ein. Það var hins vegar býsna seint á dagskránni og gerði lítið til að bæta heildarmyndina.Niðurstaða: Einhæf túlkun, misjafn einsöngur og léleg styrkleikahlutföll. Greinin birtist fyrst í Fréttablaðinu 20. desember 2016. Tónlistargagnrýni Mest lesið Frægustu vinslit Íslandssögunnar Lífið Egill Logi Jónasson valinn bæjarlistamaður Akureyrar Lífið Bryan Adams breytti Eldborg í grátkór íslenskra karla Gagnrýni Hjartaknúsarinn tileinkaði íslenskri fyrirsætu rómantískan slagara Lífið Fyrsta íslenska myndin í Cannes Premiere-flokki Bíó og sjónvarp Stefán Einar og Sara Lind í sundur Lífið „Gæti skrifað bókaseríu um vandræðileg stefnumót“ Makamál Elti ástina til Íslands Tónlist Bíllinn fannst þremur vikum eftir þjófnaðinn og þá lögfræðibók með Lífið Taka ákvörðun á hverjum degi að elska hvort annað Lífið Fleiri fréttir Egill Logi Jónasson valinn bæjarlistamaður Akureyrar Frægustu vinslit Íslandssögunnar Stefán Einar og Sara Lind í sundur Bíllinn fannst þremur vikum eftir þjófnaðinn og þá lögfræðibók með Tólf og þrettán ára fatahönnuðir á Akureyri slá í gegn Taka ákvörðun á hverjum degi að elska hvort annað Ósamþykkt kjallaraíbúð á rúmar 44 milljónir Hélt að Sálin hafi hvatt fólk til að horfa til himins með höfuðið hátt Hátíð sem er skipulögð í kringum yngstu kynslóðina Laufey Lín skartaði íslenska fánanum á Coachella Viðar Örn og Sylvía Rós eiga von á barni Heillandi hús við Laugalæk úr smiðju Kjartans Sveinssonar Hjartaknúsarinn tileinkaði íslenskri fyrirsætu rómantískan slagara Hafa aldrei rifist Stjörnulífið: Frumsýnir kærastann á Tenerife Stóri plokkdagurinn haldinn á sunnudaginn Ótrúleg heimkoma Búbba sem fauk alla leið í Kópavog Elizabeth Hurley og Billy Ray Cyrus stinga saman nefjum „Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“ Páskakveðjur stjórnmálaflokka: Gervigreind, páskaeggjaleit og Sigmundur með kanínueyru Litla hryllingsbúðin kveður á Akureyri Svarar því hve mörg páskaegg þurfi að borða til að bæta á sig kílói Krakkatían: Páskar, söngkeppnir og afmælisbörn Ekki á leið í samband bara til að þóknast samfélaginu Trommari New Pornographers ákærður fyrir vörslu barnaníðsefnis Metfjöldi á Aldrei fór ég suður: „Þetta var algjör draumur“ Veikindafríi Páls Óskars lokið Fréttatía vikunnar: Íþróttir, afsökunarbeiðni og bækur Konfettíið enn að hrynja meðan hnéð „fimmfaldaðist“ Sunneva og Benedikt trúlofuð Sjá meira
Tónlist Kammersveit Reykjavíkur flutti verk eftir Händel, einnig J.S og C.P.E. Bach. Stjórnandi og einleikari: Jory Vinikour. Norðurljós í Hörpu sunnudaginn 18. desember Jóhann Sebastian Bach var ekki bara duglegt tónskáld, hann var líka duglegur í hjónasænginni. Hann átti sjö börn með fyrri konunni, en þá dó hún. Með síðari konunni þrusaði hann niður þrettán börnum til viðbótar. Eitt af börnunum sem hann átti með fyrri konunni var Carl Philipp Emanuel. Hann fetaði í fótspor pabba síns og gerðist tónskáld. Ólíkt hinum formfasta pabba var tónlist sonarins þó miklu líflegri og tilfinningaþrungnari. Hún bar vissulega keim af barokktónlist, en horfði líka fram á veginn til Mozarts og Haydns, jafnvel til rómantíkurinnar þar á eftir. Kammersveit Reykjavíkur bauð því miður upp á nokkuð ósannfærandi flutning á tveimur verkum tónskáldsins í Norðurljósum í Hörpu á sunnudaginn. Það fyrra var Sinfónía Wq 182/3. Aðeins strengjaleikarar spiluðu og leikurinn var að mestu laus við hnökra. En túlkunin var andlaus undir stjórn Jory Vinikour. Hröðu kaflarnir voru svo hressir og drífandi að það var of mikið og virkaði manískt. Ekkert mótvægi var við allt fjörið, hægi kaflinn var ósköp flatneskjulegur og karakterlaus. Almennt voru litbrigði af skornum skammti, það var einhvern veginn allt grátt. Seinna verkið eftir tónskáldið var Sembalkonsert í d-moll Wq 23. Þar var Vinikour einleikarinn. Semballinn er forfaðir píanósins, en ekki er slegið með hömrum á strengina heldur eru þeir plokkaðir með sérstökum mekanisma. Það skiptir ekki máli hversu fast eða laus maður ýtir á nóturnar, styrkleikinn er ávallt sá sami. Þó er hægt að toga í nokkra takka til að breyta um styrk, en það er mun vélrænna en þegar píanóið er annars vegar. Engu að síður hefur semballinn sinn sjarma, helsti gallinn er hversu veikróma hann er. Þegar um geisladisk er að ræða gerir það ekki til, en í tónleikasal verður þetta mjög bagalegt. Segjast verður eins og er að útkoman á tónleikunum olli vonbrigðum. Ég sat á aftasta bekk og heyrði lítið í sembalnum í samanburði við strengjaleikinn, sem virkaði alltof sterkur. Þetta var synd því einleikur Vinikour var ágætur, lipur og snyrtilegur. Það var bara ekki nóg. Betur hefði komið út ef spilað hefði verið á eldri gerðir strengjahljóðfæra sem eru mildari og því ekki eins yfirgnæfandi. Annað á tónleikunum var ekki heldur gott. Jú, gestaleikur Áshildar Haraldsdóttur flautuleikara og Einars Jónssonar trompetleikara var að vísu yfirleitt pottþéttur. En Concerto Grosso BWV 8 eftir Händel risti ekki djúpt, hann var sama marki brenndur og Sinfónían sem áður var minnst á. Einsöngur Kristins Sigmundssonar í aríum úr kantötu og úr Jólaóratóríunni eftir J.S. Bach og úr Messíasi eftir Händel var auk þess ekki fullnægjandi. Kristinn virtist ekki í sínu besta formi. Röddin var ögn rám og stundum voru hraðar nótnastrófur á mörkunum að vera hreinar. Kristinn má þó eiga það að hann söng aukalagið fallega, Nóttin var sú ágæt ein. Það var hins vegar býsna seint á dagskránni og gerði lítið til að bæta heildarmyndina.Niðurstaða: Einhæf túlkun, misjafn einsöngur og léleg styrkleikahlutföll. Greinin birtist fyrst í Fréttablaðinu 20. desember 2016.
Tónlistargagnrýni Mest lesið Frægustu vinslit Íslandssögunnar Lífið Egill Logi Jónasson valinn bæjarlistamaður Akureyrar Lífið Bryan Adams breytti Eldborg í grátkór íslenskra karla Gagnrýni Hjartaknúsarinn tileinkaði íslenskri fyrirsætu rómantískan slagara Lífið Fyrsta íslenska myndin í Cannes Premiere-flokki Bíó og sjónvarp Stefán Einar og Sara Lind í sundur Lífið „Gæti skrifað bókaseríu um vandræðileg stefnumót“ Makamál Elti ástina til Íslands Tónlist Bíllinn fannst þremur vikum eftir þjófnaðinn og þá lögfræðibók með Lífið Taka ákvörðun á hverjum degi að elska hvort annað Lífið Fleiri fréttir Egill Logi Jónasson valinn bæjarlistamaður Akureyrar Frægustu vinslit Íslandssögunnar Stefán Einar og Sara Lind í sundur Bíllinn fannst þremur vikum eftir þjófnaðinn og þá lögfræðibók með Tólf og þrettán ára fatahönnuðir á Akureyri slá í gegn Taka ákvörðun á hverjum degi að elska hvort annað Ósamþykkt kjallaraíbúð á rúmar 44 milljónir Hélt að Sálin hafi hvatt fólk til að horfa til himins með höfuðið hátt Hátíð sem er skipulögð í kringum yngstu kynslóðina Laufey Lín skartaði íslenska fánanum á Coachella Viðar Örn og Sylvía Rós eiga von á barni Heillandi hús við Laugalæk úr smiðju Kjartans Sveinssonar Hjartaknúsarinn tileinkaði íslenskri fyrirsætu rómantískan slagara Hafa aldrei rifist Stjörnulífið: Frumsýnir kærastann á Tenerife Stóri plokkdagurinn haldinn á sunnudaginn Ótrúleg heimkoma Búbba sem fauk alla leið í Kópavog Elizabeth Hurley og Billy Ray Cyrus stinga saman nefjum „Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“ Páskakveðjur stjórnmálaflokka: Gervigreind, páskaeggjaleit og Sigmundur með kanínueyru Litla hryllingsbúðin kveður á Akureyri Svarar því hve mörg páskaegg þurfi að borða til að bæta á sig kílói Krakkatían: Páskar, söngkeppnir og afmælisbörn Ekki á leið í samband bara til að þóknast samfélaginu Trommari New Pornographers ákærður fyrir vörslu barnaníðsefnis Metfjöldi á Aldrei fór ég suður: „Þetta var algjör draumur“ Veikindafríi Páls Óskars lokið Fréttatía vikunnar: Íþróttir, afsökunarbeiðni og bækur Konfettíið enn að hrynja meðan hnéð „fimmfaldaðist“ Sunneva og Benedikt trúlofuð Sjá meira
„Ég er mamma hans og á sama tíma er ég líka lífvörðurinn hans, túlkurinn hans og talsmaðurinn hans“