Fundi Pírata, Vinstri grænna, Viðreisnar, Bjartrar framtíðar og Samfylkingarinnar er lokið. Leiðtogar flokkanna hittust í Alþingishúsinu á öðrum tímanum í dag þar sem þeir ræddu óformlega um möguleika á stjórnarmyndunarviðræðum.
Eftir fundinn var ákveðið að hittast aftur á morgun en ekki er búið að taka ákvörðun um að hefja formlegar viðræður. Ekki var farið djúpt í málefnin á þessum fundi en engu að síður var farið yfir hvernig flokkarnir geta mögulega náð saman er varðar sjávarútvegsmál, skattamál og hvernig á að fjármagna heilbrigðiskerfið.
Er áætlað að hittast aftur á morgun og halda þessum viðræðum áfram.
Þing kemur saman á morgun klukkan hálf tvö þar sem fjárlagafrumvarp verður tekið fyrir.
Fyrsta fundi lokið: Ætla að halda óformlegum viðræðum áfram á morgun

Tengdar fréttir

Bjarni vill reyna aftur við Viðreisn og Bjarta framtíð
Birgitta Jónsdóttir vill nýta komandi þing til að snúa ákvörðun kjararáðs.

Birgitta: Með efnivið í „frábæra ríkisstjórn“
Viðræður um fimm flokka ríkisstjórn hefjast í dag.

Flokkarnir fimm ræða mögulega stjórnarmyndun
Hittast í Alþingishúsinu.