Brynjar Níelsson segir Pírata enda á ruslahaugum sögunnar Jakob Bjarnar skrifar 24. nóvember 2016 10:49 Píratar fá það óþvegið hjá Brynjari og má fullyrða að seint eða aldrei koma upp að Sjálfstæðismenn og Píratar sitji saman í ríkisstjórn. Mikla ólgu má greina á samfélagsmiðlum eftir að slitnaði uppúr stjórnarmyndunarviðræðum Katrínar Jakobsdóttur, formanns vinstri grænna. Meðan flokkshollir Sjálfstæðismenn fagna með miklum látum þá eiga vinstri menn ekki gott með að leyna vonbrigðum sínum. Og skeytasendingarnar ganga á milli, ásakanir og svikabrigsl. En, þessar skeytasendingar geta verið heftar því ýmsir vilja ekki loka neinum dyrum varðandi varðandi það verkefni sem fyrir dyrum stendur sem er að prjóna saman ríkisstjórn.Píratar fá það óþvegið frá Brynjari Eitt er þó alveg víst að Sjálfstæðismenn og Píratar munu ekki starfa saman í næstu ríkisstjórn. Það er ef marka má orð Brynjars Níelssonar alþingismanns, sem hann var nú rétt í þessu að birta á Facebook: „Mér skilst að Píratar hafi verið stofnaðir til að berjast gegn spilltum, óheiðarlegum og valdasjúkum fjórflokki. Enginn skortur var á loforðum gagnvart kjósendum og ekki skyldi prinsippum haggað. Öllu þessu var svo hent á rusalhaugana til að geta myndað vinstri stjórn, sem kjósendur höfðu þó hafnað með afgerandi hætti. Einhver myndi kalla þetta hreina og tæra valdasýki. Auðvitað mun svona flokkur enda á ruslahaugum sögunnar eins og annar hrærigrautur af þessu tagi.“ Þarna er ekki verið að halda neinum dyrum opnum.Hátekjuskatturinn symbólísk aðgerð Illugi Jökulsson rithöfundur er með böggum hildar og leynir því hvergi; segir að sér hafi vart orðið svefnsamt í nótt. „Vakandi sofandi er ég búinn að brjóta um þetta heilann í alla nótt. Á maður virkilega að skilja viðtalið í Kastljósi þannig að á tíma þegar heilbrigðiskerfið emjar og kennarar ganga út vegna lélegra launa, þá hafi Benedikt í Viðreisn látið stjórnarmyndunarviðræður renna út í sandinn svo hann gæti passað upp á að sjómenn með 2,5 milljón á mánuði fengju ekki ögn hærri skatta? Er ég enn í svefnrofunum eða á maður að trúa þessu?“Illuga varð ekki svefnsamt í nótt eftir að uppúr viðræðunum slitnaði.Eins og svo margir aðrir vonsviknir vinstri menn vill Illugi gera Benedikt Jóhannesson og Viðreisn ábyrga fyrir því að ekki náðist saman með fimm flokka stjórn undir forsæti Katrínar. Þingmaður Viðreisnar, Pawel Bartoszek reynir fyrir sína parta að útskýra málin á síðu Illuga. Hann bendir á að tekjur ríkissjóðs af hátekjuskatti sé ekki uppá marga fiska, eða einn milljarður. „Þetta yrði fyrst og fremst symbólísk aðgerð, sem VG af hugmyndafræðilegum ástæðum styður, en ég af hugmyndafræðilegum ástæðum styð ekki.“Sú leiðinlega gamla afturhaldspólitík Vonbrigðin og svo gleðin eru víða. Björt Ólafsdóttir, þingkona BF líkir ástandinu við Svarta Pétur: „Það er ansi mikið verið að berjast um hver á að vera Svarti Péturinn í þessu síðasta spili. Ég vil bara segja, í fullri einlægni. Hugmyndin var mjög góð. Ég var sjálf á tíma ekki alveg viss hvort að vinstri vængurinn sannarlega vildi þetta. En trúði og vonaði. Og vildi allra helst styðja trausta konu til góðra verka.Björt segir ástandið farið að líkjast spilinu Svarta Pétri.vísir/antonÞað er vont að að tókst ekki. Svo má fólk bara kenna þeim um sem það vill. Það má hinsvegar gera ráð fyrir því að margir leikir hafi verið spilaðir á sama tíma. Æ hvað þessi gamla afturhaldspólitík er leiðinleg. Og bara vond fyrir allt og allt.“Sjallar stíga í vænginn við Kötu En, meðan þessu fer fram reyna Sjálfstæðismenn að safna vopnum sínum og eru nú teknir til við þar sem frá var horfið áður en til fimmflokka stjórnarmyndunarviðræðnanna kom; sem er að stíga í vænginn við Katrínu Jakobsdóttur. Fjölmargir Sjálfstæðismenn sjá í hyllingum það að fara í stjórn með Vinstri grænum. Einn þeirra er Elliði Vignisson bæjarstjóri í Eyjum. Hann var fljótur að taka upp þráðinn þar sem frá var horfið, í gærkvöldi, og skrifaði pistil um málið sem hann vísar í á Facebook: „Bjarni og Katrín verða nú að sýna þá ábyrgð sem við kusum þau til og mynda þessa ríkisstjórn. Þau verða í öllu falli að sýna viljann til að taka hagsmuni þjóðarinnar fram yfir vantraustið hvert gagnvart öðru og því innan meini og vantrausti sem kann að vera innan þeirra eigin raða og taka upp formlegar viðræður ekki seinna en strax.“ Kosningar 2016 Mest lesið Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Stytta þurfi sumarfrí barna um að lágmarki tvær vikur Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rektor rýfur þögnina eftir mótmælin á Þjóðminjasafninu Innlent Fleiri fréttir Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Sjá meira
Mikla ólgu má greina á samfélagsmiðlum eftir að slitnaði uppúr stjórnarmyndunarviðræðum Katrínar Jakobsdóttur, formanns vinstri grænna. Meðan flokkshollir Sjálfstæðismenn fagna með miklum látum þá eiga vinstri menn ekki gott með að leyna vonbrigðum sínum. Og skeytasendingarnar ganga á milli, ásakanir og svikabrigsl. En, þessar skeytasendingar geta verið heftar því ýmsir vilja ekki loka neinum dyrum varðandi varðandi það verkefni sem fyrir dyrum stendur sem er að prjóna saman ríkisstjórn.Píratar fá það óþvegið frá Brynjari Eitt er þó alveg víst að Sjálfstæðismenn og Píratar munu ekki starfa saman í næstu ríkisstjórn. Það er ef marka má orð Brynjars Níelssonar alþingismanns, sem hann var nú rétt í þessu að birta á Facebook: „Mér skilst að Píratar hafi verið stofnaðir til að berjast gegn spilltum, óheiðarlegum og valdasjúkum fjórflokki. Enginn skortur var á loforðum gagnvart kjósendum og ekki skyldi prinsippum haggað. Öllu þessu var svo hent á rusalhaugana til að geta myndað vinstri stjórn, sem kjósendur höfðu þó hafnað með afgerandi hætti. Einhver myndi kalla þetta hreina og tæra valdasýki. Auðvitað mun svona flokkur enda á ruslahaugum sögunnar eins og annar hrærigrautur af þessu tagi.“ Þarna er ekki verið að halda neinum dyrum opnum.Hátekjuskatturinn symbólísk aðgerð Illugi Jökulsson rithöfundur er með böggum hildar og leynir því hvergi; segir að sér hafi vart orðið svefnsamt í nótt. „Vakandi sofandi er ég búinn að brjóta um þetta heilann í alla nótt. Á maður virkilega að skilja viðtalið í Kastljósi þannig að á tíma þegar heilbrigðiskerfið emjar og kennarar ganga út vegna lélegra launa, þá hafi Benedikt í Viðreisn látið stjórnarmyndunarviðræður renna út í sandinn svo hann gæti passað upp á að sjómenn með 2,5 milljón á mánuði fengju ekki ögn hærri skatta? Er ég enn í svefnrofunum eða á maður að trúa þessu?“Illuga varð ekki svefnsamt í nótt eftir að uppúr viðræðunum slitnaði.Eins og svo margir aðrir vonsviknir vinstri menn vill Illugi gera Benedikt Jóhannesson og Viðreisn ábyrga fyrir því að ekki náðist saman með fimm flokka stjórn undir forsæti Katrínar. Þingmaður Viðreisnar, Pawel Bartoszek reynir fyrir sína parta að útskýra málin á síðu Illuga. Hann bendir á að tekjur ríkissjóðs af hátekjuskatti sé ekki uppá marga fiska, eða einn milljarður. „Þetta yrði fyrst og fremst symbólísk aðgerð, sem VG af hugmyndafræðilegum ástæðum styður, en ég af hugmyndafræðilegum ástæðum styð ekki.“Sú leiðinlega gamla afturhaldspólitík Vonbrigðin og svo gleðin eru víða. Björt Ólafsdóttir, þingkona BF líkir ástandinu við Svarta Pétur: „Það er ansi mikið verið að berjast um hver á að vera Svarti Péturinn í þessu síðasta spili. Ég vil bara segja, í fullri einlægni. Hugmyndin var mjög góð. Ég var sjálf á tíma ekki alveg viss hvort að vinstri vængurinn sannarlega vildi þetta. En trúði og vonaði. Og vildi allra helst styðja trausta konu til góðra verka.Björt segir ástandið farið að líkjast spilinu Svarta Pétri.vísir/antonÞað er vont að að tókst ekki. Svo má fólk bara kenna þeim um sem það vill. Það má hinsvegar gera ráð fyrir því að margir leikir hafi verið spilaðir á sama tíma. Æ hvað þessi gamla afturhaldspólitík er leiðinleg. Og bara vond fyrir allt og allt.“Sjallar stíga í vænginn við Kötu En, meðan þessu fer fram reyna Sjálfstæðismenn að safna vopnum sínum og eru nú teknir til við þar sem frá var horfið áður en til fimmflokka stjórnarmyndunarviðræðnanna kom; sem er að stíga í vænginn við Katrínu Jakobsdóttur. Fjölmargir Sjálfstæðismenn sjá í hyllingum það að fara í stjórn með Vinstri grænum. Einn þeirra er Elliði Vignisson bæjarstjóri í Eyjum. Hann var fljótur að taka upp þráðinn þar sem frá var horfið, í gærkvöldi, og skrifaði pistil um málið sem hann vísar í á Facebook: „Bjarni og Katrín verða nú að sýna þá ábyrgð sem við kusum þau til og mynda þessa ríkisstjórn. Þau verða í öllu falli að sýna viljann til að taka hagsmuni þjóðarinnar fram yfir vantraustið hvert gagnvart öðru og því innan meini og vantrausti sem kann að vera innan þeirra eigin raða og taka upp formlegar viðræður ekki seinna en strax.“
Kosningar 2016 Mest lesið Setti byssukúlu í póstkassa: „Næsta kemur ekki í umslagi“ Innlent Stefnir Hödd vegna ásökunar um nauðgun Innlent Stytta þurfi sumarfrí barna um að lágmarki tvær vikur Innlent Lögreglan vill ná tali af þremur mönnum Innlent Vinstribeygja inn á Bústaðaveg gæti heyrt sögunni til Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Rektor rýfur þögnina eftir mótmælin á Þjóðminjasafninu Innlent Fleiri fréttir Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Sjá meira