Forseti Íslands Guðni Th. Jóhannesson hefur boðið Bjarna Benediktssyni, formanni Sjálfstæðisflokksins, á sinn fund á Bessastöðum í dag kl. 11:00. Í tilkynningu frá forsetaembættinu kemur fram að Guðni muni ræða við fjölmiðla að fundinum loknum.
Sjá einnig: Bein útsending: Bjarni mætir til fundar við Guðna á Bessastöðum
Á mánudag hitti forsetinn fomenn allra þeirra stjórnmálaflokka sem náðu mönnum inn á þing í kosningunum á laugardag vegna myndunar nýrrar ríkisstjórnar.
Fram kom eftir þá fundi að þau Bjarni, Benedikt Jóhannesson formaður Viðreisnar og Katrín Jakobsdóttir formaður Vinstri grænna hafi óskað eftir því að fá umboð til stjórnarmyndunar.
Í gær ræddi forsetinn síðan aftur við þessa þrjá formenn og nú hefur Guðni boðað formann Sjálfstæðisflokksins á Bessastaði, eins og áður segir.
Guðni boðar Bjarna á sinn fund
Tengdar fréttir
Guðni ræddi við Benedikt, Bjarna og Katrínu í gær
"Það er augljóst að þegar einn flokkur hefur svona mikinn þingstyrk, þá er erfitt að mynda ríkisstjórn án hans aðkomu,“ segir Benedikt Jóhannesson.
Bréf Bjarna til flokksmanna: Tækifæri til myndunar þriggja flokka stjórnar
Bjarni Benediktsson, formaður Sjálfstæðisflokksins, segir kjósendur hafa hafnað vinstri upplausn og óvissu í nýafstöðnum kosningum til Alþingis.
