Margir þingmenn Framsóknarflokksins telja æskilegt að kosið verði um formannsembættið Heimir Már Pétursson skrifar 23. september 2016 20:37 Vilji er til þess innan þingflokks Framsóknarflokksins að Sigurður Ingi Jóhannsson forsætisráðherra bjóði sig fram í embætti formanns flokksins. Þingflokkurinn kom saman til óvænts aukafundar í dag þar sem meðal annars var rætt um frammistöðu núverandi formanns í kosningaþætti Ríkissjónvarpsins í gær. Þingflokkur Framsóknarflokksins kom saman til aukafundar klukkan tuttugu mínútur yfir eitt á Alþingi í dag og stóð fundurinn yfir í þrjár klukkustundir. Þar var meðal annars rætt um stöðu formanns flokksins. Já, á meðan þingmenn annarra flokka ræddu frumvarp iðnaðar- og viðskiptaráðherra um háspennulínur frá Þeistareykjum og Kröflu til Bakka, boðaði hópur þingmanna Framsóknarflokksins þingflokkinn saman til óvænts fundar. Fjölmiðlar biðu frétta af fundinum vegna þess að spurst hafði að þar ætti meðal annars að ræða stöðu formanns flokksins. Hvað sem öðru líður um þennan fund Framsóknarmanna er ljóst að þingverðir töldu þetta ákaflega mikilvægan fund því aukinn viðbúnaður var hafður í þinghúsinu gagnvart fjölmiðlamönnum vegna fundarins. Meðal annars var strengdur borði í skála þinghússins þannig að fjölmiðlamenn færu örugglega ekki of nálægt þingmönnum Framsóknarflokksins. Sigurður Ingi yfirgaf fundinn fyrstur manna og gaf ekki færi á viðtali og sagðist vera að missa af flugi. En eftir tæpar þrjár klukkustundir fóru þingmenn hver á fætur öðrum að tínast af fundi og greinilegt að þung undiralda er meðal þingmannanna.Óánægja með svör Sigmundar við Wintris-málinu Willum Þór Þórsson er einn þeirra mörgu þingmanna sem ekki voru ánægðir með hvernig Sigmundur svaraði fyrir eignarhald sitt á Wintris aflandsfélaginu í framboðsþætti á Ríkissjónvarpinu í gærkvöldi. „RÚV opnaði á kosningarnar í gær með formönnum. Við ræddum það sem fram fór í þeim þætti og svo framvegis.“Voruð þið sátt við frammistöðu formannsins í þeim þætti þar sem hann sagðist ekkert kannast við að hafa átt þetta fyrirtæki, Wintris? „Við ræddum það meðal annars. Það voru misjafnar skoðanir á því.“Hvernig skiptist þingflokkurinn með það? „Þetta er auðvitað ákveðið áhyggjuefni, að þurfa alltaf vera að svara fyrir það en ekki vera að ræða hin góðu málefni. Við vorum að fara yfir hvernig við ætluðum að mæta því.“Var það rætt við Sigmund að hann segði af sér formennsku og Sigurður Ingi tæki við formennskunni? „Nei, við höfum ekkert umboð inni á þingflokksfundi til að gera það. Það er flokksþing sem mun kjósa um forystu flokksins,“ sagði Willum Þór. Hann hefði viljað sjá annað svar frá formanninum um Wintris málið á Ríkissjónvarpinu í gær.Getur hugsað sér að styðja Sigurð Inga Það er augljóst eftir þingflokksfundinn í dag að margir þingmenn vilja að kosið verði um formannsembættið. Kjördæmisþing Framsóknarflokksins á Suðurlandi fer fram á Selfossi á morgun og bíða margir spenntir eftir því hvort Sigurður Ingi noti þann vettvang til að tilkynna um formannsframboð.Myndir þú vilja að Sigurður Ingi tilkynnti þar um framboð sitt til formanns? „Já ég held að það yrði mjög hollt fyrir flokkinn að það yrði kosið um forystu. Sigurður Ingi hefur staðið sig afar vel sem forsætisráðherra. Nú, Sigmundur vann glæsilega kosningu í Norðausturkjördæmi. Þannig að við höfum öfluga menn til að tefla fram sem vilja vera í forystu fyrir flokkinn,“ segir Willum.Myndir þú styðja Sigurð Inga? „Ég er ekki búinn að gera neitt slíkt upp við mig. Við skulum bara sjá hvað setur. Hann á eftir að fara í gegnum kjördæmaþingið. En ég get alvegt hugsað mér að styðja Sigurð Inga. Hann er búinn að standa sig frábærlega sem forsætisráðherra.“Heldur þú að flokkurinn myndi standa sig betur í kosningum með hann í brúnni í stað Sigmundar? „Þetta segi ég um leið og Sigmundur Davíð auðvitað fór með Framsóknarflokkinn glæsilega í gegnum síðustu kosningar,“ segir Willum.Mjög fínn fundur að mati Sigmundar Davíðs Í miðju viðtali við Willum birtist Sigmundur Davíð á jarðhæð þinghússins og fjölmiðlar fylgdu honum eftir.Var þín staða sem formaður flokksins rædd á þessum fundi? „Við héldum fund núna þegar það er líklega vika eftir af þinginu. Stutt í flokksþing og rúmur mánuður í kosningar. Þannig að það var mjög margt að fara yfir. Eitt af því sem við fórum yfir já var þessi umræða sem verið hefur í gangi um flokkinn og það hvernig menn reyna kannski stundum að búa til, eða setja af stað að óþörfu, umræðu um einhvern ágreining sem þarf ekki að vera til staðar. Þannig að þetta var bara mjög fínn fundur,“ sagði Sigmundur Davíð. Sigmundur sagðist meta stöðu sína innan flokksins og þingflokksins góða. „Við erum og eigum að vera að mínu mati samheldin og öflugur hópur Framsóknarflokkurinn. Það höfum við verið og engin ástæða til anars en við verðum það áfram. Þannig að ég er bjartsýnn á framhaldið og ég er bjartsýnn á kosningarnar og hlakka til að komast í kosningabaráttu alveg á fullu,“ sagði Sigmundur Davíð á röltinu frá þinghúsinu. Fréttamaður RÚV spurði hann hvort hann teldi stöðu sína jafn sterka eftir fundinn og fyrir hann. „Ég vona að hún sé sterkari ef þetta hefur einhverju breytt. En þessi fundur var ekki til þess ætlaður að kveða upp úr um það. Enda er það flokksþing sem kýs forystu,“ sagði formaður Framsóknarflokksins. Kosningar 2016 Mest lesið Lést við flúðasiglingar í Vestari-Jökulsá Innlent Amma ræsti neyðarhnapp við enn eina árás dóttur sinnar Innlent Hundarnir þegar aflífaðir en ákvörðun um lógun ólögmæt Innlent Öryggisráðið ákveður að taka yfir Gasa-borg Erlent Maður féll í Vestari-Jökulsá Innlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Fann hagtölur sem honum líkar og hélt óvæntan blaðamannafund Erlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Fleiri fréttir Hræðast að fleiri en einn fari í sjóinn Átökin „hvorki vegna né þrátt fyrir“ áfengissöluna Heitavatnslaust í Laugardal Lést við flúðasiglingar í Vestari-Jökulsá Langflestir telja sig búa á góðum stað fyrir samkynhneigða Áttu ekki von á neinu veseni og viðbúnaður eftir því Amma ræsti neyðarhnapp við enn eina árás dóttur sinnar Maður féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Sjá meira
Vilji er til þess innan þingflokks Framsóknarflokksins að Sigurður Ingi Jóhannsson forsætisráðherra bjóði sig fram í embætti formanns flokksins. Þingflokkurinn kom saman til óvænts aukafundar í dag þar sem meðal annars var rætt um frammistöðu núverandi formanns í kosningaþætti Ríkissjónvarpsins í gær. Þingflokkur Framsóknarflokksins kom saman til aukafundar klukkan tuttugu mínútur yfir eitt á Alþingi í dag og stóð fundurinn yfir í þrjár klukkustundir. Þar var meðal annars rætt um stöðu formanns flokksins. Já, á meðan þingmenn annarra flokka ræddu frumvarp iðnaðar- og viðskiptaráðherra um háspennulínur frá Þeistareykjum og Kröflu til Bakka, boðaði hópur þingmanna Framsóknarflokksins þingflokkinn saman til óvænts fundar. Fjölmiðlar biðu frétta af fundinum vegna þess að spurst hafði að þar ætti meðal annars að ræða stöðu formanns flokksins. Hvað sem öðru líður um þennan fund Framsóknarmanna er ljóst að þingverðir töldu þetta ákaflega mikilvægan fund því aukinn viðbúnaður var hafður í þinghúsinu gagnvart fjölmiðlamönnum vegna fundarins. Meðal annars var strengdur borði í skála þinghússins þannig að fjölmiðlamenn færu örugglega ekki of nálægt þingmönnum Framsóknarflokksins. Sigurður Ingi yfirgaf fundinn fyrstur manna og gaf ekki færi á viðtali og sagðist vera að missa af flugi. En eftir tæpar þrjár klukkustundir fóru þingmenn hver á fætur öðrum að tínast af fundi og greinilegt að þung undiralda er meðal þingmannanna.Óánægja með svör Sigmundar við Wintris-málinu Willum Þór Þórsson er einn þeirra mörgu þingmanna sem ekki voru ánægðir með hvernig Sigmundur svaraði fyrir eignarhald sitt á Wintris aflandsfélaginu í framboðsþætti á Ríkissjónvarpinu í gærkvöldi. „RÚV opnaði á kosningarnar í gær með formönnum. Við ræddum það sem fram fór í þeim þætti og svo framvegis.“Voruð þið sátt við frammistöðu formannsins í þeim þætti þar sem hann sagðist ekkert kannast við að hafa átt þetta fyrirtæki, Wintris? „Við ræddum það meðal annars. Það voru misjafnar skoðanir á því.“Hvernig skiptist þingflokkurinn með það? „Þetta er auðvitað ákveðið áhyggjuefni, að þurfa alltaf vera að svara fyrir það en ekki vera að ræða hin góðu málefni. Við vorum að fara yfir hvernig við ætluðum að mæta því.“Var það rætt við Sigmund að hann segði af sér formennsku og Sigurður Ingi tæki við formennskunni? „Nei, við höfum ekkert umboð inni á þingflokksfundi til að gera það. Það er flokksþing sem mun kjósa um forystu flokksins,“ sagði Willum Þór. Hann hefði viljað sjá annað svar frá formanninum um Wintris málið á Ríkissjónvarpinu í gær.Getur hugsað sér að styðja Sigurð Inga Það er augljóst eftir þingflokksfundinn í dag að margir þingmenn vilja að kosið verði um formannsembættið. Kjördæmisþing Framsóknarflokksins á Suðurlandi fer fram á Selfossi á morgun og bíða margir spenntir eftir því hvort Sigurður Ingi noti þann vettvang til að tilkynna um formannsframboð.Myndir þú vilja að Sigurður Ingi tilkynnti þar um framboð sitt til formanns? „Já ég held að það yrði mjög hollt fyrir flokkinn að það yrði kosið um forystu. Sigurður Ingi hefur staðið sig afar vel sem forsætisráðherra. Nú, Sigmundur vann glæsilega kosningu í Norðausturkjördæmi. Þannig að við höfum öfluga menn til að tefla fram sem vilja vera í forystu fyrir flokkinn,“ segir Willum.Myndir þú styðja Sigurð Inga? „Ég er ekki búinn að gera neitt slíkt upp við mig. Við skulum bara sjá hvað setur. Hann á eftir að fara í gegnum kjördæmaþingið. En ég get alvegt hugsað mér að styðja Sigurð Inga. Hann er búinn að standa sig frábærlega sem forsætisráðherra.“Heldur þú að flokkurinn myndi standa sig betur í kosningum með hann í brúnni í stað Sigmundar? „Þetta segi ég um leið og Sigmundur Davíð auðvitað fór með Framsóknarflokkinn glæsilega í gegnum síðustu kosningar,“ segir Willum.Mjög fínn fundur að mati Sigmundar Davíðs Í miðju viðtali við Willum birtist Sigmundur Davíð á jarðhæð þinghússins og fjölmiðlar fylgdu honum eftir.Var þín staða sem formaður flokksins rædd á þessum fundi? „Við héldum fund núna þegar það er líklega vika eftir af þinginu. Stutt í flokksþing og rúmur mánuður í kosningar. Þannig að það var mjög margt að fara yfir. Eitt af því sem við fórum yfir já var þessi umræða sem verið hefur í gangi um flokkinn og það hvernig menn reyna kannski stundum að búa til, eða setja af stað að óþörfu, umræðu um einhvern ágreining sem þarf ekki að vera til staðar. Þannig að þetta var bara mjög fínn fundur,“ sagði Sigmundur Davíð. Sigmundur sagðist meta stöðu sína innan flokksins og þingflokksins góða. „Við erum og eigum að vera að mínu mati samheldin og öflugur hópur Framsóknarflokkurinn. Það höfum við verið og engin ástæða til anars en við verðum það áfram. Þannig að ég er bjartsýnn á framhaldið og ég er bjartsýnn á kosningarnar og hlakka til að komast í kosningabaráttu alveg á fullu,“ sagði Sigmundur Davíð á röltinu frá þinghúsinu. Fréttamaður RÚV spurði hann hvort hann teldi stöðu sína jafn sterka eftir fundinn og fyrir hann. „Ég vona að hún sé sterkari ef þetta hefur einhverju breytt. En þessi fundur var ekki til þess ætlaður að kveða upp úr um það. Enda er það flokksþing sem kýs forystu,“ sagði formaður Framsóknarflokksins.
Kosningar 2016 Mest lesið Lést við flúðasiglingar í Vestari-Jökulsá Innlent Amma ræsti neyðarhnapp við enn eina árás dóttur sinnar Innlent Hundarnir þegar aflífaðir en ákvörðun um lógun ólögmæt Innlent Öryggisráðið ákveður að taka yfir Gasa-borg Erlent Maður féll í Vestari-Jökulsá Innlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Fann hagtölur sem honum líkar og hélt óvæntan blaðamannafund Erlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Fleiri fréttir Hræðast að fleiri en einn fari í sjóinn Átökin „hvorki vegna né þrátt fyrir“ áfengissöluna Heitavatnslaust í Laugardal Lést við flúðasiglingar í Vestari-Jökulsá Langflestir telja sig búa á góðum stað fyrir samkynhneigða Áttu ekki von á neinu veseni og viðbúnaður eftir því Amma ræsti neyðarhnapp við enn eina árás dóttur sinnar Maður féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Sjá meira