270 þúsund króna kjóll Melaniu Trump uppseldur

Eiginkona forsetaefnis Repúblikanaflokksins í Bandaríkjunum, Donalds Trump, Melania Trump vakti heldur betur athygli þegar hún hélt ræðu á landsþingi flokksins sem fer fram þessa dagana Vestanhafs. 

Það er ekki bara ræðan sem vakti athygli en kjóllinn sem Melania klæddist sló í gegn og er nú uppseldur á vefversluninni Net-a-Porter  þar sem hann kostar tæpar 270 þúsund íslenskar krónur. 

Um er að ræða hvítan kjól frá fatahönnuðinum Roksanda Ilincic, sem er kvenlegur í sniðinu, hnésíður og með skemmtilegum útvíðum ermum. Melania ku sjálf hafa keypt kjólinn á síðunni en lét þó breyta ermunum í púff frekar en útvítt.