Við höfum raunverulegt val Benjamín Axel Árnason skrifar 22. júní 2016 11:30 Það er gott að hafa val, reyndar höfum við það oftast. Stundum lendum við þó í þvinguðu vali og þurfum að velja eitt til að fyrirbyggja annað verra. Margir horfa þannig á valmöguleikana í komandi forsetakosningum og telja þörf fyrir taktíska kosningu. Framanaf til að koma í veg fyrir framhaldssögu Ólafs Ragnars og síðar ætlaða upprisu Davíðs Oddssonar. Nauðsynlegt sé að fylkja sér um einhvern einn frambjóðanda til að koma í veg fyrir kosningu þeirra þaulsetnu. – En staðreyndir og skoðanakannanir sýna að við höfum raunverulegt val. Skoðanakannanir gefa vísbendingar um að Ástþór, Elísabet, Guðrún, Hildur og Sturla hafi samanlagt 5-7% fylgi. Þær sýna okkur einnig að Davíð Oddsson er pikk fastur í 16-20% fylgi, þrátt fyrir vel smurða og öfluga kosningavél, skipsfarma fjármagns, Morgunblaðið og öll trikkin úr gömlu pólitíkinni. Andri Snær, Guðni Th. og Halla keppa því um þau 73-78% sem skoðanakannanir sýna að baráttan er um. Ef það fylgi skiptist jafn á milli þeirra þriggja væri hvert og eitt þeirra með 24-26%, þe. öll meira fylgi en Davíð Oddsson. – Við höfum því raunverulegt óþvingað val. Mér finnst gott að hafa óþvingað val, geta kosið frambjóðendur eftir verðleikum þeirra, mannkostum, starfsreynslu, frumkvæði, dugnaði, framtíðarsýn og heilindum. Það er áhugavert að bera þessa þætti saman hjá þeim Höllu, Guðna og Andra. , Á vefsíðum þeirra http://halla2016.is, http://gudnith.is/, https://andrisnaer.is/2016/ eru gagnlegar upplýsingar fyrir slíkan samanburð. Látum ekki rætna vef- og fjölmiðlaumfjöllun um listamannalaun og afkastaleysi Andra, viðskiptareynslu og fundarstjórn Höllu eða að elíta Sjálfstæðisflokksins hafi teiknað upp framboð Guðna villa okkur sýn. Látum staðreyndirnar tala sínu máli, skoðum með opnum hug starfsreynslu, frumkvæði og framtíðarsýn þessara þriggja frambjóðenda. - Við höfum raunverulegt val.Ég er búinn að skoða vefsíður þessara þriggja valkosta mjög vandlega, og hef reynt af sanngirni að bera saman starfsreynslu, vinnusemi og framtíðarsýn þeirra. Sagnfræðingurinn Ég dáist að söguþekkingu Guðna Th. og virði nær samfellda 27 ára náms- og starfsreynslu hans innan þykkra veggja háskóla beggja vegna Atlandsála. Hófleg kennsluskylda hans hin síðari ár hefur jafnframt veitt honum tækifæri til að skrifa nokkrar áhugaverðar sagnfræðibækur um forseta, pólitík og þorskastríð. Það eru fróðlegar bækur og skemmtilegar aflestrar fyrir þá sem hafa áhuga á sagnfræði. Það truflar mig þó hvað Guðna er oft tvísaga í ræðu og riti. Ég hef enn ekki rekist á neitt sem sýnir fram á stjórnunarreynslu eða frumkvöðlastarf hans og eiginlega fleira sem lýsir fortíðarsýn en heillandi framtíðarsýn. En Guðni er vissulega af góðu fólki kominn og gleymum því ekki að Patti bróðir hans skoraði 634 mörk fyrir íslenska landsliðið í handbolta. Rithöfundurinn Mér finnst lífshlaup rithöfundarins og læknissonarins Andra Snæs einnig áhugavert, ég átti mér sjálfur þann draum á menntaskólaárum að verða svona „miðbæjar-boheim“, skrifa eina og eina bók, jafnvel ljóðabók, tala við fólk, fara á tónleika, sitja á kaffihúsum og tala um mikilvæg málefni við fólk sem vantaði málstað að trúa á. Þessi menntaskóladraumur minn rjátlaðist þó af mér þegar börnin fæddust og heimurinn var stærri, já og þegar daglegt brauðstrit hvunndagsins varð að nauðsynlegri leið til að greiða reikninga mánaðarins. – Andri Snær lifir þennan menntaskóladraum minn, það þarf útsjónasemi til að fjármagna slíkt draumaland. Vel gert Andri, þú hefur vissulega talað fyrir mikilvægan málstað, því náttúran og náttúruvernd eru brýn málefni sem varða okkur öll. En fjölbreyttri starfsreynslu, reynslu af stjórnun eða að taka á erfiðum málum er ekki fyrir að fara. Frumkvöðullinn Frumkvöðullinn Halla lauk háskólagráðu og meistaragráðu frá virtum háskólum í USA með hæstu einkunn og hlaut verðlaun fyrir afburða námsárangur. Stórfyrirtækin M&M/Mars veittu þessari íslensku stelpu af Kársnesinu athygli og réðu hana til stjórnunarstarfa strax að námi loknu. 27 ára gömul var hún orðin mannauðsstjóri Pepsi Cola og leiddi þar umbreytingar og innleiðingu gilda í yfir 300 þúsunda manna fyrirtæki, en hugurinn stefndi heim, - heim til Íslands að gera gagn. Fyrst tók hún að sér mannauðsstjórnun hjá Íslenska útvarpsfélaginu og svo var hún kölluð til í að byggja upp Háskólann í Reykjavík. Það dugði henni ekki að byggja upp stjórnendanám háskólans, hún vildi gera meira gagn. Konum og ungum stúkum var boðið að taka þátt í verkefninu „Auður í krafti kvenna“ svona samhliða öðrum verkefnum Höllu við HR. Þarna hlutu hundruð kvenna og tugir ungra stúlkna fræðslu og þjálfun í leiðtogafærni, frumkvöðlastarfi og fjármálum. Mér sýnist þetta stórkostlega verkefni ekki einungis hafa verið vitundarvakning í hugum þessara ungu kvenna, hugsjón Höllu um jafnrétti allra var að markast og mótast, ekki bara jafnrétti kynja, heldur einnig jafnrétti þeirra sem verr eru settir, þeirra sem komnir eru á efri ár, þeirra sem bera minna úr býtum og þeirra sem líður ekki vel, hana langaði að gera meira gagn. Hún hélt í doktorsnám við Cranfield háskóla í Englandi til að rannsaka þau fræði betur, en hún kom aftur heim, - heim til Íslands að gera gagn. Hún vildi innleiða ný gildi og samfélagshugsun í íslenskt viðskiptalíf og réði sig fyrst kvenna sem framkvæmdastjóri Viðskiptaráðs, en hlaut ekki hljómgrunn fyrir sínar hugsjónir og sagði upp eftir níu mánuði í starfi. Halla skoraði næst á fjármálaheiminn, vopnuð heiðarleika, kvenlægum gildum og sýn á að taka meiri samfélagslega ábyrgð á tímum sem enginn þorði að segja neitt. Hún og hennar samstarfsfólk sýndi að hugmyndafræðin virkaði og stýrðu nýstofnuðum fjárfestingabanka í gegnum efnahagshrun án þess að nokkur tapaði krónu. Halla hefur leitt og tekið þátt í stórum umbótaverkefnum á sviði jafnréttis og samfélagsbreytinga, jafn innan lands sem utan. Hér heima var hún í Mauraþúfunni sem stóð að Þjóðfundinum 2009 og stóð fyrir jafnréttisráðstefnunni WE2015. Erlendis hefur hún haldið fyrirlestra og tekið þátt í umræðum um samfélagsþróun um allan heim, meðal annars hjá TED, Clinton Global Initiative, Skoll World Forum og þekktum háskólum á borð við IESE og Rockefeller. Hún hefur komið fram í fjölmörgum virtum alþjóðlegum fjölmiðlum sem málsvari jafnréttis og nauðsynlegra umbreytinga í samfélaginu og hún hefur búið og starfað í Bandaríkjunum, Bretlandi og á Norðurlöndum. Reynsla hennar og tengslanet á erlendri grund er magnað og virkilega verðmætt.Njótum þess að hafa raunverulegt val Það er augljóst að Halla Tómasdóttir stendur uppúr í þessum samanburði frambjóðendanna þriggja. Menntun hennar, starfsreynsla, frumkvöðlastarf, framtíðarsýn og alþjóðleg reynsla ber af við lestur kynninga frambjóðendanna. Við höfum raunverulegt val, njótum þess og nýtum vel. Mætum á kjörstað og kjósum dugnað, framsýni og framtíð umfram fortíð. – Kjósum Höllu Tómasdóttur sem forseta Íslands. Viltu birta grein á Vísi? Sendu okkur póst. Senda grein Forsetakosningar 2016 Skoðun Mest lesið Á hvaða ári er Inga Sæland stödd? Snorri Másson Skoðun 76 dagar Erlingur Sigvaldason Skoðun Draugagangur í Alaska Hannes Pétursson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun Skoðun Skoðun Von í Vonarskarði Þuríður Helga Kristjánsdóttir skrifar Skoðun Þjóð gegn þjóðarmorði Finnbjörn A. Hermannsson,Guðrún Margrét Guðmundsdóttir skrifar Skoðun Hvað er eiginlega málið með þessa þéttingu?? Einar Sveinbjörn Guðmundsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður harpa Sigurðardóttir skrifar Skoðun Eitt próf á ári – er það snemmtæk íhlutun? Íris E. Gísladóttir skrifar Skoðun Þegar öllu er á botninn hvolft Ingólfur Sverrisson skrifar Skoðun Kynbundin áhrif barneigna á atvinnuþátttöku og tekjur Sigríður Ingibjörg Ingadóttir,Steinunn Bragadóttir skrifar Skoðun Viltu finna milljarð? - Frá gráu svæði í gagnsæi Gunnar Pétur Haraldsson skrifar Skoðun Ný sókn í menntamálum – tækifæri eða hliðarskref? Ingibjörg Isaksen skrifar Skoðun Á hvaða ári er Inga Sæland stödd? Snorri Másson skrifar Skoðun Eru börn innviðir? Hjördís Eva Þórðardóttir skrifar Skoðun Háskólaþorpið Bifröst og fólkið sem gleymdist Margrét Jónsdóttir Njarðvík skrifar Skoðun Körfubolti á tímum þjóðarmorðs Bjarni Þór Sigurbjörnsson skrifar Skoðun Draugagangur í Alaska Hannes Pétursson skrifar Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar Skoðun 76 dagar Erlingur Sigvaldason skrifar Skoðun Í minningu körfuboltahetja Snæbjörn Guðmundsson skrifar Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar Skoðun Húsnæðisbæturnar sem hurfu Ragnar Sigurður Kristjánsson skrifar Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar Skoðun Hjartans mál í kennslu Sigurður Árni Reynisson skrifar Skoðun Hunsuðu menntamálin – en ætla nú að bjarga þeim Sigurður Kári Harðarson skrifar Skoðun Sporin þín Valtýr Soffía Sigurðardóttir skrifar Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar Skoðun Sjallar og lyklaborðið Sigfús Ómar Höskuldsson skrifar Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar Skoðun „Stóra fallega frumvarpið“ hans Trump Gunnar Alexander Ólafsson skrifar Skoðun Verndun vatns og stjórn vatnamála Ólafur Arnar Jónsson,Sigurður Guðjónsson skrifar Sjá meira
Það er gott að hafa val, reyndar höfum við það oftast. Stundum lendum við þó í þvinguðu vali og þurfum að velja eitt til að fyrirbyggja annað verra. Margir horfa þannig á valmöguleikana í komandi forsetakosningum og telja þörf fyrir taktíska kosningu. Framanaf til að koma í veg fyrir framhaldssögu Ólafs Ragnars og síðar ætlaða upprisu Davíðs Oddssonar. Nauðsynlegt sé að fylkja sér um einhvern einn frambjóðanda til að koma í veg fyrir kosningu þeirra þaulsetnu. – En staðreyndir og skoðanakannanir sýna að við höfum raunverulegt val. Skoðanakannanir gefa vísbendingar um að Ástþór, Elísabet, Guðrún, Hildur og Sturla hafi samanlagt 5-7% fylgi. Þær sýna okkur einnig að Davíð Oddsson er pikk fastur í 16-20% fylgi, þrátt fyrir vel smurða og öfluga kosningavél, skipsfarma fjármagns, Morgunblaðið og öll trikkin úr gömlu pólitíkinni. Andri Snær, Guðni Th. og Halla keppa því um þau 73-78% sem skoðanakannanir sýna að baráttan er um. Ef það fylgi skiptist jafn á milli þeirra þriggja væri hvert og eitt þeirra með 24-26%, þe. öll meira fylgi en Davíð Oddsson. – Við höfum því raunverulegt óþvingað val. Mér finnst gott að hafa óþvingað val, geta kosið frambjóðendur eftir verðleikum þeirra, mannkostum, starfsreynslu, frumkvæði, dugnaði, framtíðarsýn og heilindum. Það er áhugavert að bera þessa þætti saman hjá þeim Höllu, Guðna og Andra. , Á vefsíðum þeirra http://halla2016.is, http://gudnith.is/, https://andrisnaer.is/2016/ eru gagnlegar upplýsingar fyrir slíkan samanburð. Látum ekki rætna vef- og fjölmiðlaumfjöllun um listamannalaun og afkastaleysi Andra, viðskiptareynslu og fundarstjórn Höllu eða að elíta Sjálfstæðisflokksins hafi teiknað upp framboð Guðna villa okkur sýn. Látum staðreyndirnar tala sínu máli, skoðum með opnum hug starfsreynslu, frumkvæði og framtíðarsýn þessara þriggja frambjóðenda. - Við höfum raunverulegt val.Ég er búinn að skoða vefsíður þessara þriggja valkosta mjög vandlega, og hef reynt af sanngirni að bera saman starfsreynslu, vinnusemi og framtíðarsýn þeirra. Sagnfræðingurinn Ég dáist að söguþekkingu Guðna Th. og virði nær samfellda 27 ára náms- og starfsreynslu hans innan þykkra veggja háskóla beggja vegna Atlandsála. Hófleg kennsluskylda hans hin síðari ár hefur jafnframt veitt honum tækifæri til að skrifa nokkrar áhugaverðar sagnfræðibækur um forseta, pólitík og þorskastríð. Það eru fróðlegar bækur og skemmtilegar aflestrar fyrir þá sem hafa áhuga á sagnfræði. Það truflar mig þó hvað Guðna er oft tvísaga í ræðu og riti. Ég hef enn ekki rekist á neitt sem sýnir fram á stjórnunarreynslu eða frumkvöðlastarf hans og eiginlega fleira sem lýsir fortíðarsýn en heillandi framtíðarsýn. En Guðni er vissulega af góðu fólki kominn og gleymum því ekki að Patti bróðir hans skoraði 634 mörk fyrir íslenska landsliðið í handbolta. Rithöfundurinn Mér finnst lífshlaup rithöfundarins og læknissonarins Andra Snæs einnig áhugavert, ég átti mér sjálfur þann draum á menntaskólaárum að verða svona „miðbæjar-boheim“, skrifa eina og eina bók, jafnvel ljóðabók, tala við fólk, fara á tónleika, sitja á kaffihúsum og tala um mikilvæg málefni við fólk sem vantaði málstað að trúa á. Þessi menntaskóladraumur minn rjátlaðist þó af mér þegar börnin fæddust og heimurinn var stærri, já og þegar daglegt brauðstrit hvunndagsins varð að nauðsynlegri leið til að greiða reikninga mánaðarins. – Andri Snær lifir þennan menntaskóladraum minn, það þarf útsjónasemi til að fjármagna slíkt draumaland. Vel gert Andri, þú hefur vissulega talað fyrir mikilvægan málstað, því náttúran og náttúruvernd eru brýn málefni sem varða okkur öll. En fjölbreyttri starfsreynslu, reynslu af stjórnun eða að taka á erfiðum málum er ekki fyrir að fara. Frumkvöðullinn Frumkvöðullinn Halla lauk háskólagráðu og meistaragráðu frá virtum háskólum í USA með hæstu einkunn og hlaut verðlaun fyrir afburða námsárangur. Stórfyrirtækin M&M/Mars veittu þessari íslensku stelpu af Kársnesinu athygli og réðu hana til stjórnunarstarfa strax að námi loknu. 27 ára gömul var hún orðin mannauðsstjóri Pepsi Cola og leiddi þar umbreytingar og innleiðingu gilda í yfir 300 þúsunda manna fyrirtæki, en hugurinn stefndi heim, - heim til Íslands að gera gagn. Fyrst tók hún að sér mannauðsstjórnun hjá Íslenska útvarpsfélaginu og svo var hún kölluð til í að byggja upp Háskólann í Reykjavík. Það dugði henni ekki að byggja upp stjórnendanám háskólans, hún vildi gera meira gagn. Konum og ungum stúkum var boðið að taka þátt í verkefninu „Auður í krafti kvenna“ svona samhliða öðrum verkefnum Höllu við HR. Þarna hlutu hundruð kvenna og tugir ungra stúlkna fræðslu og þjálfun í leiðtogafærni, frumkvöðlastarfi og fjármálum. Mér sýnist þetta stórkostlega verkefni ekki einungis hafa verið vitundarvakning í hugum þessara ungu kvenna, hugsjón Höllu um jafnrétti allra var að markast og mótast, ekki bara jafnrétti kynja, heldur einnig jafnrétti þeirra sem verr eru settir, þeirra sem komnir eru á efri ár, þeirra sem bera minna úr býtum og þeirra sem líður ekki vel, hana langaði að gera meira gagn. Hún hélt í doktorsnám við Cranfield háskóla í Englandi til að rannsaka þau fræði betur, en hún kom aftur heim, - heim til Íslands að gera gagn. Hún vildi innleiða ný gildi og samfélagshugsun í íslenskt viðskiptalíf og réði sig fyrst kvenna sem framkvæmdastjóri Viðskiptaráðs, en hlaut ekki hljómgrunn fyrir sínar hugsjónir og sagði upp eftir níu mánuði í starfi. Halla skoraði næst á fjármálaheiminn, vopnuð heiðarleika, kvenlægum gildum og sýn á að taka meiri samfélagslega ábyrgð á tímum sem enginn þorði að segja neitt. Hún og hennar samstarfsfólk sýndi að hugmyndafræðin virkaði og stýrðu nýstofnuðum fjárfestingabanka í gegnum efnahagshrun án þess að nokkur tapaði krónu. Halla hefur leitt og tekið þátt í stórum umbótaverkefnum á sviði jafnréttis og samfélagsbreytinga, jafn innan lands sem utan. Hér heima var hún í Mauraþúfunni sem stóð að Þjóðfundinum 2009 og stóð fyrir jafnréttisráðstefnunni WE2015. Erlendis hefur hún haldið fyrirlestra og tekið þátt í umræðum um samfélagsþróun um allan heim, meðal annars hjá TED, Clinton Global Initiative, Skoll World Forum og þekktum háskólum á borð við IESE og Rockefeller. Hún hefur komið fram í fjölmörgum virtum alþjóðlegum fjölmiðlum sem málsvari jafnréttis og nauðsynlegra umbreytinga í samfélaginu og hún hefur búið og starfað í Bandaríkjunum, Bretlandi og á Norðurlöndum. Reynsla hennar og tengslanet á erlendri grund er magnað og virkilega verðmætt.Njótum þess að hafa raunverulegt val Það er augljóst að Halla Tómasdóttir stendur uppúr í þessum samanburði frambjóðendanna þriggja. Menntun hennar, starfsreynsla, frumkvöðlastarf, framtíðarsýn og alþjóðleg reynsla ber af við lestur kynninga frambjóðendanna. Við höfum raunverulegt val, njótum þess og nýtum vel. Mætum á kjörstað og kjósum dugnað, framsýni og framtíð umfram fortíð. – Kjósum Höllu Tómasdóttur sem forseta Íslands.
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Skoðun Mikilvægi aðgengis og algildrar hönnunar að byggingum í dag og til framtíðar Þuríður harpa Sigurðardóttir skrifar
Skoðun Kynbundin áhrif barneigna á atvinnuþátttöku og tekjur Sigríður Ingibjörg Ingadóttir,Steinunn Bragadóttir skrifar
Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar
Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar
Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar
Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar
Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar
Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun