GPS stríðir fleiri ferðamönnum en Noel: Ætluðu í Þórsmörk en enduðu í grillveislu hjá Þór Kolbeinn Tumi Daðason skrifar 30. maí 2016 11:58 Bandaríska parið í góðum gír hjá Þór sem nýtti tímann og skoðaði GPS-tækið þeirra. Mynd/Þórarinn Svavarsson „Þetta var bara til að gera daginn skemmtilegri,“ segir Þór Þorsteinsson á Skálpastöðum II í Borgarfirði. Þór og Guðrún Björk kona hans voru með matarboð og í óðaönn að grilla lambakjöt þegar bankað var upp á. Til þeirra var mætt bandarískt par sem hafði ætlað sér að upplifa íslensku náttúruperluna Þórsmörk. Misskilning parsins má rekja til þess hve mjög þau treystu á GPS-tækið sem þau höfðu meðferðis og brunuðu af stað. Þannig er mál með vexti að eitt túnanna við Skálpastaði ber nafnið Þórsmörk og er sagan af því hvernig túnið fékk það heiti skemmtileg. Gefum Þór orðið: Túnin hafa hvert og eitt sitt nafn. Þeirra á meðal er Þórsmörk. „Sem ungur drengur smíðaði ég forláta fótboltamörk úr timbri á einu túni hérna í sveitinni. Til að þurfa ekki að sækja boltann eins langt setti ég net í mörkin, leifar af einhverri gamalli loðnunót. Síðan var spilaður fótbolti þar til kom að því að slá þurfti túnið. Þá var mér skipað að fjarlægja mörkin sem ég sannarlega gerði. Einhverjar leifar af loðnunótinni urðu hinsvegar eftir og lentu þær að sjálfsögðu í sláttuvélinni. Það tók það sem eftir var af deginum og fram undir morgun að losa netið úr sláttuvélinni og ekkert slegið á meðan. Pabbi var ekki sérlega ánægður með strákinn sinn þennan dag og var starfskrafta minna við að losa netið úr vélinni ekki óskað. Túnið hafði ekkert eiginlegt nafn þegar þetta gerðist ólíkt flestum öðrum túnum á bænum. Það var hluti af Goðalöndunum svokölluðum sem voru í raun fjögur tún og var kallað Efsta Goðaland. Þegar pabbi var búinn að jafna sig á þessum mistökum mínum og sláttur aftur kominn á fullt skrið fékk túnið loksins nafn. Þórsmörk. Nafngiftinni var sennilega ætlað að sjá til þess að ég myndi aldrei gera önnur eins mistök aftur.“ Noel, hinn viðkunnanlegi ungi Bandaríkjamaður, vildi koma sér á áfangastað sem fyrst, en aksturinn ætlaði engan enda að taka. Framtakssemi eldri borgara í Borgarfirði hefur orðið til þess að túnið Þórsmörk er nú auðfundið með aðstoð GPS-tækja. Þannig hefur hópur eldri borgara skráð örnefni á svæðinu samviskusamlega í samstarfi við Landmælingar Íslands. Er túnið því komið í kortagrunn Landmælinga. Víkur þá sögunni að bandaríska parinu sem bar að garði seinni partinn í gær. Guðrún Björk lýsir því þannig að parið hafi staðið í vegkantinum og horft yfir Grímsá. Þau hafi sagt hvort við annað: „Is this Þórsmörk? Is this the river we should cross?“ og væntanlega talið að um sjálfa Krossá væri að ræða. Bandaríska parið hafði mikinn húmor fyrir mistökum sínum að sögn Þórs. Hann hafi „að sjálfsögðu“ boðið þeim í mat og greinilegt að gestrisni vantar ekki hjá þeim Guðrúnu og Þór. Parið var frá Utah í Bandaríkjunum og má telja líklegt að heimsóknin til þeirra Þórs og Guðrúnar, þar sem lambakjöt var grillað, hafi verið hápunkturinn á Íslandsdvölinni. Hafa verður í huga að straumur ferðamanna til landsins í ár er rétt að hefjast fyrir sumarsprengjuna sem er rétt handan við hornið. Það ætti því ekki að koma neinum á óvart ef fleiri ferðamenn á leið í Þórsmörk rata í Borgarfjörðinn. „Ég ætla bara að fara að selja inn,“ segir Þórs hlæjandi og hefur greinilega gaman af. Mikla athygli vakti þegar bandaríski ferðamaðurinn Noel Santillan ætlaði að gista á Hótel Frón á Laugavegi í febrúar en endaði á Siglufirði. Ástæðuna mátti rekja til þess að á Siglufirði er að finna götuna Laugarveg, með r-i, en Siglfirðingar tóku Noel fagnandi og sömuleiðis Reykvíkingar þegar hann mætti nokkrum dögum á eftir áætlun í höfuðborgina. Ferðamennska á Íslandi Ævintýri Noel Santillan á Íslandi Tengdar fréttir Noel fær nýtt GPS-tæki að gjöf Avis-bílaleigan taldi öruggara að gefa Noel GPS-tæki. 8. febrúar 2016 16:39 Fannst skrítið að skiltin til Reykjavíkur bentu í ranga átt Noel Santillan frá New Jersey lenti heldur betur í ævintýrum strax á fyrsta degi á Íslandi, gisti á Siglufirði en ekki í Reykjavík eins og til stóð. 2. febrúar 2016 11:19 Noel villtist enn og aftur Heimspressan á hælum hins unga bandaríska ferðalangs sem hefur vart haft undan að veita viðtöl. 5. febrúar 2016 11:05 Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Eiginmaður íslenskrar konu lét sig hverfa rétt eftir brúðkaupið Innlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Kona réðst að sjö ára dreng við Smáraskóla Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
„Þetta var bara til að gera daginn skemmtilegri,“ segir Þór Þorsteinsson á Skálpastöðum II í Borgarfirði. Þór og Guðrún Björk kona hans voru með matarboð og í óðaönn að grilla lambakjöt þegar bankað var upp á. Til þeirra var mætt bandarískt par sem hafði ætlað sér að upplifa íslensku náttúruperluna Þórsmörk. Misskilning parsins má rekja til þess hve mjög þau treystu á GPS-tækið sem þau höfðu meðferðis og brunuðu af stað. Þannig er mál með vexti að eitt túnanna við Skálpastaði ber nafnið Þórsmörk og er sagan af því hvernig túnið fékk það heiti skemmtileg. Gefum Þór orðið: Túnin hafa hvert og eitt sitt nafn. Þeirra á meðal er Þórsmörk. „Sem ungur drengur smíðaði ég forláta fótboltamörk úr timbri á einu túni hérna í sveitinni. Til að þurfa ekki að sækja boltann eins langt setti ég net í mörkin, leifar af einhverri gamalli loðnunót. Síðan var spilaður fótbolti þar til kom að því að slá þurfti túnið. Þá var mér skipað að fjarlægja mörkin sem ég sannarlega gerði. Einhverjar leifar af loðnunótinni urðu hinsvegar eftir og lentu þær að sjálfsögðu í sláttuvélinni. Það tók það sem eftir var af deginum og fram undir morgun að losa netið úr sláttuvélinni og ekkert slegið á meðan. Pabbi var ekki sérlega ánægður með strákinn sinn þennan dag og var starfskrafta minna við að losa netið úr vélinni ekki óskað. Túnið hafði ekkert eiginlegt nafn þegar þetta gerðist ólíkt flestum öðrum túnum á bænum. Það var hluti af Goðalöndunum svokölluðum sem voru í raun fjögur tún og var kallað Efsta Goðaland. Þegar pabbi var búinn að jafna sig á þessum mistökum mínum og sláttur aftur kominn á fullt skrið fékk túnið loksins nafn. Þórsmörk. Nafngiftinni var sennilega ætlað að sjá til þess að ég myndi aldrei gera önnur eins mistök aftur.“ Noel, hinn viðkunnanlegi ungi Bandaríkjamaður, vildi koma sér á áfangastað sem fyrst, en aksturinn ætlaði engan enda að taka. Framtakssemi eldri borgara í Borgarfirði hefur orðið til þess að túnið Þórsmörk er nú auðfundið með aðstoð GPS-tækja. Þannig hefur hópur eldri borgara skráð örnefni á svæðinu samviskusamlega í samstarfi við Landmælingar Íslands. Er túnið því komið í kortagrunn Landmælinga. Víkur þá sögunni að bandaríska parinu sem bar að garði seinni partinn í gær. Guðrún Björk lýsir því þannig að parið hafi staðið í vegkantinum og horft yfir Grímsá. Þau hafi sagt hvort við annað: „Is this Þórsmörk? Is this the river we should cross?“ og væntanlega talið að um sjálfa Krossá væri að ræða. Bandaríska parið hafði mikinn húmor fyrir mistökum sínum að sögn Þórs. Hann hafi „að sjálfsögðu“ boðið þeim í mat og greinilegt að gestrisni vantar ekki hjá þeim Guðrúnu og Þór. Parið var frá Utah í Bandaríkjunum og má telja líklegt að heimsóknin til þeirra Þórs og Guðrúnar, þar sem lambakjöt var grillað, hafi verið hápunkturinn á Íslandsdvölinni. Hafa verður í huga að straumur ferðamanna til landsins í ár er rétt að hefjast fyrir sumarsprengjuna sem er rétt handan við hornið. Það ætti því ekki að koma neinum á óvart ef fleiri ferðamenn á leið í Þórsmörk rata í Borgarfjörðinn. „Ég ætla bara að fara að selja inn,“ segir Þórs hlæjandi og hefur greinilega gaman af. Mikla athygli vakti þegar bandaríski ferðamaðurinn Noel Santillan ætlaði að gista á Hótel Frón á Laugavegi í febrúar en endaði á Siglufirði. Ástæðuna mátti rekja til þess að á Siglufirði er að finna götuna Laugarveg, með r-i, en Siglfirðingar tóku Noel fagnandi og sömuleiðis Reykvíkingar þegar hann mætti nokkrum dögum á eftir áætlun í höfuðborgina.
Ferðamennska á Íslandi Ævintýri Noel Santillan á Íslandi Tengdar fréttir Noel fær nýtt GPS-tæki að gjöf Avis-bílaleigan taldi öruggara að gefa Noel GPS-tæki. 8. febrúar 2016 16:39 Fannst skrítið að skiltin til Reykjavíkur bentu í ranga átt Noel Santillan frá New Jersey lenti heldur betur í ævintýrum strax á fyrsta degi á Íslandi, gisti á Siglufirði en ekki í Reykjavík eins og til stóð. 2. febrúar 2016 11:19 Noel villtist enn og aftur Heimspressan á hælum hins unga bandaríska ferðalangs sem hefur vart haft undan að veita viðtöl. 5. febrúar 2016 11:05 Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Eiginmaður íslenskrar konu lét sig hverfa rétt eftir brúðkaupið Innlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Kona réðst að sjö ára dreng við Smáraskóla Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
Noel fær nýtt GPS-tæki að gjöf Avis-bílaleigan taldi öruggara að gefa Noel GPS-tæki. 8. febrúar 2016 16:39
Fannst skrítið að skiltin til Reykjavíkur bentu í ranga átt Noel Santillan frá New Jersey lenti heldur betur í ævintýrum strax á fyrsta degi á Íslandi, gisti á Siglufirði en ekki í Reykjavík eins og til stóð. 2. febrúar 2016 11:19
Noel villtist enn og aftur Heimspressan á hælum hins unga bandaríska ferðalangs sem hefur vart haft undan að veita viðtöl. 5. febrúar 2016 11:05