Píratar ráða kosningastjóra

Jóhann Kristjánsson hefur verið ráðinn kosningastjóri Pírata fyrir væntanlegar kosningar til Alþingis í haust.

Jóhann er menntaður sem endurskoðandi og lauk meistaraprófi í viðskiptafræði frá Copenhagen Business School, auk þess sem hann hefur vottun sem verkefnastjóri. Jóhann gegndi stöðu kosningastjóra hjá Borgarahreyfingunni fyrir Alþingiskosningar 2009.

Hann hefur gegnt stöðu framkvæmdastjóra bæði hjá upplýsingafyrirtækinu WEDO og Iceland Travel hf. Hann starfaði sem yfirmaður viðskiptaþróunar hjá Íslandsbanka og Skýrr hf. Þá hefur Jóhann einnig starfað sem verkefnastjóri hjá Danske Bank.