Til átaka kom fyrir utan kosningafund hjá Donald Trump í Albuquerque í Nýju Mexíkó í nótt.
Mótmælendur brutu rúður í nærliggjandi byggingum og köstuðu grjóti í átt að lögreglu. Lögreglan beitti hestum til að hafa stjórn á mótmælendunum og svo virðist sem piparúða hafi einnig verið beitt.
Trump er einn eftir í framboði hjá Repúblikönum og í gær vann hann næsta fyrirsjáanlegan sigur í Washington ríki. Nú vantar hann aðeins örfáa kjörmenn til að tryggja sér formlega útnefningu flokks síns.
