Eygló Ósk Gústafsdóttir var „þokkalega“ ánægð með niðurstöðu dagsins á EM í sundi en hún hafnaði í sjötta sæti í 100 m baksundi. Eygló var í fjórða sæti eftir fyrri 50 metrana en gaf svo eftir á síðari sprettinum.
„Ég vildi meira eins og alltaf,“ sagði Eygló Ósk við Vísi í kvöld. „Ég átti ágætt sund en staðreyndin er að mér leið vel í öllum sundum í mótinu nema úrslitasundinu. Það er þar sem ég er að klikka.“
Eygló Ósk vill helst ekki kenna stressi um og bætir við að þó svo að hún hafi hvílt nokkuð fyrir mótið sé hún ekki í algjöru toppformi.
„Mér fannst þetta því ágætt miðað við aðstæður og ég tel að það sé alveg klárt að ég á heilmikið inni.“
„Mér fannst ganga mjög vel í gær en það er samt heilmikið sem ég get bætt þar. Þetta kemur vonandi allt saman.“
Eygló: Leið vel í öllum sundum nema úrslitasundunum
Tengdar fréttir
Eygló gaf eftir á lokasprettinum og lenti í sjötta sæti
Eygló Ósk Gústafsdóttir endaði í sjötta sæti í úrslitasundinu í 200 metra baksundi á Evrópumótinu í London.
Eygló byrjaði vel en gaf eftir og endaði í sjötta sæti
Eygló Ósk Gústafsdóttir endaði í sjötta sæti í 100 metra baksundi á Evrópumótinu í London.
Ætlaði mér að synda miklu hraðar
Eygló Ósk Gústafsdóttir lenti í 6. sæti í 200 metra baksundi á EM í London í gær. Anton Sveinn McKee endaði í 7. sæti í 100 metra bringusundi og Hrafnhildur Lúthersdóttir náði góðum tíma í sömu grein.
