Elvar og félagar úr leik

Elvar Már Friðriksson skoraði tíu stig þegar lið hans, Barry, tapaði fyrir Lincoln Memorial í 8-liða úrslitum úrslitakeppni 2. deildar bandaríska háskólaboltans.

Lincoln vann átján stiga sigur, 93-75, og batt þar með enda á draum Barry um að komast í fjögurra liða úrslitin.

Elvar nýtti þrjú af tíu skotum sínum í leiknum en auk stiganna tíu gaf hann fimm stoðsendingar og tók tvö fráköst.

Lincoln var með fjögurra stiga forystu í hálfleik, 42-38, en stakk svo af í síðari hálfleik.

Tímabilið var þó frábært fyrir Barry University sem varð meistari í sinni deild.