Útflutningsbann starfsmanna í álverinu í Straumsvík hefst nú á miðnætti en Félagsdómur úrskurðaði nú í kvöld að bannið væri ekki ólöglegt. Dómurinn kom saman í dag til að úrskurða í málinu eftir að Samtök atvinnulífsins kærðu bannið fyrir hönd álversins.
Upplýsingafulltrúi Rio Tinto Alcan á Íslandi sagði í hádegisfréttum Bylgjunnar að það hefði alvarlegar afleiðingar fyrir álverið ef því yrði meinað að flytja út afurðir sínar.
Deilan í álverinu hefur staðið mánuðum saman og snýst um kröfu fyrirtækisins um að fá að útvista fleiri störfum hjá álverinu en nú þegar er heimilt samkvæmt samningum en verkalýðsfélögin leggjast alfarið gegn því.
Um fjögur þúsund tonn af áli eru flutt út frá Straumsvík í viku hverri og nú er skip við höfnina þar sem bíður lestunar. Næsti fundur í deilunni er hjá Ríkissáttasemjara á morgun.
Útflutningsbann hefst í Straumsvík á miðnætti
Tengdar fréttir
![](https://www.visir.is/i/98A10743A566CAAA632D8B048F43AFA90709A375F696882BB1F59A9A397B87D1_308x200.jpg)
Álverið hefur nú þegar skaðast af aðgerðum
Ólafur Teitur Guðnason segir kaupendur áls frá álverinu í Straumsvík hafa áhyggjur af stöðunni. Félagsdómur kemur saman seinnipartinn í dag vegna deilunnar.
![](https://www.visir.is/i/9183D44DE03B719460630E720208C7D976AF49C2660B6B776DF77E59E5354DE2_308x200.jpg)
Félagsdómur úrskurðar um útflutningsbann í álverinu
Upplýsingafulltrúi Rio Tinto Alcan segir að útflutningsbann myndi skaða fyrirtækið mjög mikið.
![](https://www.visir.is/i/E86D582B7D37C449E17990B536D3EFB2B190771EF48378E9AD44BB998F5688EB_308x200.jpg)
Álversdeilan: Aldrei kynnst annarri eins hörku
Talsmaður starfsanna í álverinu í Straumsvík segir fyrirtækið vera í einkennilegum skollaleik. Ef útflutningsbann verði dæmt ólöglegt verði boðað til nýrra aðgerða.