FSU og Haukar spila ekki í kvöld | Frestað vegna veðurs

Leikjum Domino´s deildar karla í körfubolta í kvöld hefur nú fækkað um tvo leiki eftir að leik FSU og Hauka var frestað.

Leiknum var frestað vegna veðurs en það er mjög slæmt veður á Hellisheiðinni.

Nýr leikdagur er á morgun föstudag og hefst leikurinn klukkan 19.15.

Áður  var búið að fresta leik Tindastóls og Njarðvíkur sem átti að fara fram í kvöld. Nýr leiktími fyrir hann verður tilkynntur síðar.

Það er ekki spilað þétt í Domino´s deildinni í vetur en svo óheppilega vill til að næsta umferð er strax á sunnudag og mánudag vegna bikarúrslitaleiksins helgina eftir.