Framtíðarsýn, nýsköpun og tækniþróun Hrund Gunnsteinsdóttir skrifar 26. janúar 2016 11:19 Tækniþróunarsjóður gegnir veigamiklu hlutverki þegar kemur að tækniþróun og nýsköpun í íslensku atvinnulífi. Sjóðurinn fellur undir Atvinnuvega- og nýsköpunarráðuneytið og vinnur skv. stefnu Vísinda – og tækniráðs. Tækniþróunarsjóður er fjármagnaður af ríkissjóði í samræmi við fjárlög hvers árs og hefur sjóðurinn farið vaxandi frá stofnun hans árið 2004. Í nýjustu fjárlögum hækkuðu framlög til sjóðsins um 71% á milli ára og stendur nú í 2,3 milljörðum króna.Nýsköpun og tækniþróun í breyttum heimi Heimurinn er að ganga í gegnum eitt mesta og hraðasta breytingarskeið sögunnar. Tækni og nýsköpun spila þar lykilhlutverk, enda á tækniþróun sér engin mörk, nær yfir öll svið samfélagsins og snertir líf okkar allra. Breyttir tímar kalla einnig á nýsköpun og tæknilausnir hjá opinberum stofnunum til þess að geta þjónað hlutverki sínu sem best. Ísland er ekki undanskilið þessari þróun.Mikilvæg lyftistöng fyrir íslenskt atvinnulíf Tækniþróunarsjóður styður verkefni á öllum sviðum atvinnulífins. Meðal þeirra sem Tækniþróunarsjóður hefur styrkt á mótunarárum eru hátæknifyrirtækið Marel, orkustjórnunarfyrirtækið Marorka, Lauf Forks sem þróar og framleiðir nýja tegund hjólagaffla, matarhönnunarverkefnið Stefnumót hönnuða og bænda, upplýsingatæknifyrirtækið Mentor, ORF Líftækni, Meniga sem sérhæfir sig í hugbúnaði fyrir heimilisfjármál og lækningatæknifyrirtækið Nox Medical, svo eitthvað sé nefnt. Fyrir mörg, ef ekki öll, þessara fyrirtækja hefur styrkur úr Tækniþróunarsjóði skipt sköpum fyrir framgang þeirra og vöxt.Fjölbreytni, framkvæmd og árangur Í ljósi stóraukins framlags til Tækniþróunarsjóðs, hefur sjóðurinn mótað nýja stefnu í víðtæku samráði við helstu aðila úr atvinnulífinu. Lykilorðin í nýrri framtíðarsýn eru fjölbreytni, framkvæmd og árangur.Hærri styrkir og snarpara ferli Meginmarkmið með nýrri stefnumótun eru að gera sjóðinn skilvirkari, opnari fyrir fleiri og fjölbreyttari umsóknum frá einstaklingum, litlum og meðalstórum fyrirtækjum og rannsóknarstofnunum. Til að stuðla að skilvirkari og öflugri stuðningi við nýsköpun leggur sjóðurinn nú áherslu á hærri styrki en snarpara ferli en verið hefur.Ísland og alþjóðleg samkeppnishæfni Tækniþróunarsjóður leggur einnig áherslu á að styðja alþjóðleg samstarfsverkefni sem Íslendingar eiga aðild að, til þess að auka þekkingu hérlendis og bæta samkeppnisstöðu íslensks atvinnulífs. Ísland er í 29. sæti í samanburði á samkeppnishæfni þjóða skv. alþjóðlegri skýrslu Alþjóðlega efnahagsráðsins. Þar skorar Ísland hvað hæst í menntun og tækni, en lægst í flokknum markaðsstærð. Sókn á alþjóðlegan markað er sífellt mikilvægari í hnattvæddum heimi, þar sem landamæri í viðskiptum og á vinnumarkaði verða æ óljósari. Í því sambandi má nefna að útflutningstekjur hugbúnaðargeirans hafa vaxið um 20% árlega frá árinu 2010. Tækni- og hugverkaiðnaðurinn aflaði 23% gjaldeyristekna árið 2014 og 90% af tekjum leikjaiðnaðarins koma erlendis frá, svo dæmi séu nefnd.Hagnýting á rannsóknum Íslendingar mælast nokkuð vel þegar kemur að gerð rannsókna og birtingu ritrýndra greina. Það er hins vegar gjá á milli þessarar þekkingarsköpunar í rannsóknarsamfélaginu annars vegar og hagnýtingu hennar í atvinnulífinu hins vegar. Þessi gjá er þekkt vandamál víða um heim. Með nýjum styrkjarflokki, Hagnýt rannsóknarverkefni, vill Tækniþróunarsjóður brúa þessa gjá. Umsóknarfrestur rennur út 15. febrúar nk.Fræ, Sproti, Vöxtur og Sprettur Tækniþróunarsjóður býður nú einnig upp á einkaleyfisstyrki og er opið fyrir umsóknir allt árið. Fræ er ný styrktarleið hjá Tækniþróunarsjóði sem miðar sérstaklega að því að auka nýliðun og höfða til frumkvöðla á fyrstu skrefum hugmyndar. Umsóknarferlið er einfaldara en í öðrum styrkjaflokkum og skil á niðurstöðum verkefnis á að liggja fyrir innan 5 mánaða. Umsóknarfrestur í Fræ rennur út 4. apríl nk. Styrkþegar eiga möguleika á áframhaldandi fjármögnun fyrir Fræ-verkefni, innan styrkjaflokksins Fyrirtækjastyrkur – Sproti, sem boðið verður upp á fyrir umsóknarfrestinn 15. september. Þar hafa styrkþegar möguleika á að fá allt að 10 m.kr ár ári í 2 ár, án kröfu um mótframlag.Þú nærð lengra... Fyrirtækjastyrkirnir Vöxtur og Sprettur eru svo nýjir og öflugri fyrirtækjastyrkir en verið hafa, sem opnað verður fyrir í umsóknarfrestinum sem rennur út 15. september nk. Í styrkjakerfi Tækniþróunarsjóðs er lögð áhersla á samfellu á milli styrkjaflokka, þannig að sjóðurinn geti styrkt vöxt og þróun lítilla og meðalstórra fyrirtækja og verkefna á ólíkum stigum í þróunar- og nýsköpunarferlinu og á fyrstu stigum markaðssetningar. Frekari upplýsingar eru á heimasíðu sjóðsins. Viltu birta grein á Vísi? Sendu okkur póst. Senda grein Hrund Gunnsteinsdóttir Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Hver ætlar að bera ábyrgð á mannslífi? Sævar Þór Jónsson Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Horfumst í augu Kristín Thoroddsen Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Skólarnir lokaðir - myglan vinnur Guðmundur Þórir Sigurðsson Skoðun Er aldur bara tala? Teitur Guðmundsson Skoðun Skoðun Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Sjá meira
Tækniþróunarsjóður gegnir veigamiklu hlutverki þegar kemur að tækniþróun og nýsköpun í íslensku atvinnulífi. Sjóðurinn fellur undir Atvinnuvega- og nýsköpunarráðuneytið og vinnur skv. stefnu Vísinda – og tækniráðs. Tækniþróunarsjóður er fjármagnaður af ríkissjóði í samræmi við fjárlög hvers árs og hefur sjóðurinn farið vaxandi frá stofnun hans árið 2004. Í nýjustu fjárlögum hækkuðu framlög til sjóðsins um 71% á milli ára og stendur nú í 2,3 milljörðum króna.Nýsköpun og tækniþróun í breyttum heimi Heimurinn er að ganga í gegnum eitt mesta og hraðasta breytingarskeið sögunnar. Tækni og nýsköpun spila þar lykilhlutverk, enda á tækniþróun sér engin mörk, nær yfir öll svið samfélagsins og snertir líf okkar allra. Breyttir tímar kalla einnig á nýsköpun og tæknilausnir hjá opinberum stofnunum til þess að geta þjónað hlutverki sínu sem best. Ísland er ekki undanskilið þessari þróun.Mikilvæg lyftistöng fyrir íslenskt atvinnulíf Tækniþróunarsjóður styður verkefni á öllum sviðum atvinnulífins. Meðal þeirra sem Tækniþróunarsjóður hefur styrkt á mótunarárum eru hátæknifyrirtækið Marel, orkustjórnunarfyrirtækið Marorka, Lauf Forks sem þróar og framleiðir nýja tegund hjólagaffla, matarhönnunarverkefnið Stefnumót hönnuða og bænda, upplýsingatæknifyrirtækið Mentor, ORF Líftækni, Meniga sem sérhæfir sig í hugbúnaði fyrir heimilisfjármál og lækningatæknifyrirtækið Nox Medical, svo eitthvað sé nefnt. Fyrir mörg, ef ekki öll, þessara fyrirtækja hefur styrkur úr Tækniþróunarsjóði skipt sköpum fyrir framgang þeirra og vöxt.Fjölbreytni, framkvæmd og árangur Í ljósi stóraukins framlags til Tækniþróunarsjóðs, hefur sjóðurinn mótað nýja stefnu í víðtæku samráði við helstu aðila úr atvinnulífinu. Lykilorðin í nýrri framtíðarsýn eru fjölbreytni, framkvæmd og árangur.Hærri styrkir og snarpara ferli Meginmarkmið með nýrri stefnumótun eru að gera sjóðinn skilvirkari, opnari fyrir fleiri og fjölbreyttari umsóknum frá einstaklingum, litlum og meðalstórum fyrirtækjum og rannsóknarstofnunum. Til að stuðla að skilvirkari og öflugri stuðningi við nýsköpun leggur sjóðurinn nú áherslu á hærri styrki en snarpara ferli en verið hefur.Ísland og alþjóðleg samkeppnishæfni Tækniþróunarsjóður leggur einnig áherslu á að styðja alþjóðleg samstarfsverkefni sem Íslendingar eiga aðild að, til þess að auka þekkingu hérlendis og bæta samkeppnisstöðu íslensks atvinnulífs. Ísland er í 29. sæti í samanburði á samkeppnishæfni þjóða skv. alþjóðlegri skýrslu Alþjóðlega efnahagsráðsins. Þar skorar Ísland hvað hæst í menntun og tækni, en lægst í flokknum markaðsstærð. Sókn á alþjóðlegan markað er sífellt mikilvægari í hnattvæddum heimi, þar sem landamæri í viðskiptum og á vinnumarkaði verða æ óljósari. Í því sambandi má nefna að útflutningstekjur hugbúnaðargeirans hafa vaxið um 20% árlega frá árinu 2010. Tækni- og hugverkaiðnaðurinn aflaði 23% gjaldeyristekna árið 2014 og 90% af tekjum leikjaiðnaðarins koma erlendis frá, svo dæmi séu nefnd.Hagnýting á rannsóknum Íslendingar mælast nokkuð vel þegar kemur að gerð rannsókna og birtingu ritrýndra greina. Það er hins vegar gjá á milli þessarar þekkingarsköpunar í rannsóknarsamfélaginu annars vegar og hagnýtingu hennar í atvinnulífinu hins vegar. Þessi gjá er þekkt vandamál víða um heim. Með nýjum styrkjarflokki, Hagnýt rannsóknarverkefni, vill Tækniþróunarsjóður brúa þessa gjá. Umsóknarfrestur rennur út 15. febrúar nk.Fræ, Sproti, Vöxtur og Sprettur Tækniþróunarsjóður býður nú einnig upp á einkaleyfisstyrki og er opið fyrir umsóknir allt árið. Fræ er ný styrktarleið hjá Tækniþróunarsjóði sem miðar sérstaklega að því að auka nýliðun og höfða til frumkvöðla á fyrstu skrefum hugmyndar. Umsóknarferlið er einfaldara en í öðrum styrkjaflokkum og skil á niðurstöðum verkefnis á að liggja fyrir innan 5 mánaða. Umsóknarfrestur í Fræ rennur út 4. apríl nk. Styrkþegar eiga möguleika á áframhaldandi fjármögnun fyrir Fræ-verkefni, innan styrkjaflokksins Fyrirtækjastyrkur – Sproti, sem boðið verður upp á fyrir umsóknarfrestinn 15. september. Þar hafa styrkþegar möguleika á að fá allt að 10 m.kr ár ári í 2 ár, án kröfu um mótframlag.Þú nærð lengra... Fyrirtækjastyrkirnir Vöxtur og Sprettur eru svo nýjir og öflugri fyrirtækjastyrkir en verið hafa, sem opnað verður fyrir í umsóknarfrestinum sem rennur út 15. september nk. Í styrkjakerfi Tækniþróunarsjóðs er lögð áhersla á samfellu á milli styrkjaflokka, þannig að sjóðurinn geti styrkt vöxt og þróun lítilla og meðalstórra fyrirtækja og verkefna á ólíkum stigum í þróunar- og nýsköpunarferlinu og á fyrstu stigum markaðssetningar. Frekari upplýsingar eru á heimasíðu sjóðsins.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun