Er Stefan Bonneau að koma til baka?

Domino's Körfuboltakvöld var á dagskrá á Stöð 2 Sport á föstudagskvöldið. Í þættinum rökræða/rífast sérfræðingar þáttarins um ýmis álitaefni tengd körfuboltanum á Íslandi.

Í þættinum á föstudaginn var mikið rætt um Stefan Bonneau, leikmann Njarðvíkur, sem sleit hásin rétt fyrir tímabilið og var talið að hann yrði ekkert með í vetur. Fyrir leikinn gegn Snæfellingum á fimmtudagskvöldið var Bonneau mættur að hita upp fyrir leik og hélt einskonar skotsýningu fyrir áhorfendur.

Þeir Kristinn Friðriksson og Hermann Hauksson ræddu þetta mál og um það hvort leikmaðurinn sé á leiðinni aftur á völlinn á þessu tímabili.

Innslagið í heild sinni má sjá í spilaranum hér að neðan.