Hjálmar hjólar í skemmdarvargana: Á von á ákæru vegna opnunar hliðsins á Laugavegi Bjarki Ármannsson skrifar 14. desember 2015 15:45 "Það var bara reiknað með að menn hlýddu ummælum og stæðu við samkomulag sem var búið að gera,“ segir Hjálmar. Vísir „Þetta er satt að segja ólíðandi,“ segir Hjálmar Sveinsson, formaður umhverfis- og skipulagsráðs Reykjavíkurborgar, um opnun hliða sem ætlað var að afmarka göngugötur í miðborginni. Skólavörðustígur og hluti Laugavegs eiga að standa lokaðir fyrir bílaumferð tvo daga í senn á aðventunni en hliðin hafa verið opnuð tvær síðustu helgar. Síðasta laugardag greindu sjónarvottar frá því að ákveðnir kaupmenn hefðu opnað hliðið við Laugaveginn með verkfærum. Hjálmar segir borgina líta á málið alvarlegum augum. „Ekki síst í ljósi þess að undanfari þessarar ákvörðunar, að hafa þetta lokað fyrir bílaumferð á helgum á aðventunni, var meðal annars gerð í kjölfar ítarlegrar skoðanakönnunar meðal 74 kaupmanna og rekstraraðila á þessum parti Laugavegsins,“ segir Hjálmar. „63 prósent þeirra sem svöruðu voru hlynnt þessu.“Sjá einnig: Lokað fyrir umferð bíla á Laugavegi um aðventuna Ljóst er þó að nokkrir kaupmenn setja sig upp á móti lokununum. Björn Jón Bragason, framkvæmdastjóri Samtaka kaupmanna og fasteignaeigenda við Laugaveg, sagði í samtali við Ísland í dag nýlega að þeim hefði verið mótmælt á fundi kaupmanna með borgaryfirvöldum.Innslag Íslands í dag um lokanirnar á Laugavegi má sjá hér fyrir neðan.„Ég var ekki á þessum fundi en það fer svona tveimur sögum af því öllu saman,“ segir Hjálmar. „Það hefur alla tíð verið meirihluti kaupmanna á Laugaveginum hlynntur þessum lokunum. Það kom mjög skýrt fram í tveimur viðamiklum könnunum á þessu ári og í fyrra. Svo eru náttúrulega 75 prósent Reykvíkinga fylgjandi þeim. Meðal annars er þess vegna búið að ákveða, og samþykkja, að þessi sumarlokun frá 1. maí til 1. október verði til frambúðar.“Ekki standi til að ræða frekar við þá grunuðu Upphaflega stóð til að hafa lokað allar helgar í aðventunni og svo frá 18. desember til aðfangadags. Til að koma til móts við óskir nokkra kaupmanna var fyrstu aðventuhelgi í nóvember sleppt og sömuleiðis mánudegi og þriðjudegi fyrir jól. „Þess vegna kom það vægast sagt á óvart að um leið og það á að framfylgja þessu sem var samþykkt, kjósa fáeinir aðilar strax að brjóta samkomulagið,“ segir Hjálmar. „Meira að segja aðilar, hef ég heimildir um, sem voru á þessum fundi. Það eru vitni að því og búið að tilkynna þetta til lögreglu. Ég á von á því að það verði gefin út ákæra.“Ákveðnir kaupmenn koma hlaupandi með verkfæri og opna hliðin jafnóðum og þeim er lokað. Ógeðis frekja og yfirgangur. pic.twitter.com/mOXJLjkkG7— Bobby Breiðholt (@Breidholt) December 12, 2015 Hann segir það örfáa menn sem standa í þessu en að borgin hafi ekki í hyggju að ræða sérstaklega við þá fyrir næstu lokun. Búið sé að ræða þetta oft og að mati Hjálmars sé þeim ekki treystandi. Hann segir borgina hafa þurft að kalla út bakvaktir vegna opnunnar hliðanna, bæði til að laga ónýta lása sem voru skemmdir og til þess að loka hliðunum aftur. „Þannig að þarna er verið að eyðileggja eignir borginnar, svíkja gert samkomulag og í rauninni stofna fólki í hættu sem vissi ekki betur, til dæmis á laugardaginn, en að það gæti gengið óhult eftir þessum hluta Laugavegsins,“ segir hann. „Þetta verður örugglega vaktað næst, en það er þá kostnaður sem var ekki reiknað með að kæmi til. Það var bara reiknað með að menn hlýddu ummælum og stæðu við samkomulag sem var búið að gera.“ Göngugötur Reykjavík Mest lesið Segir ljóst að Víðir hafi brotið stjórnsýslulög: „Það er verið að kaupa sér vinsældir“ Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Öryggismál að eiga reiðufé heima fyrir „ef í harðbakkann slær“ Innlent Ríkið keypti nýjan sendiherrabústað á 750 milljónir Innlent „Auðvitað bregður fólki“ Innlent Inga endurvekur 25 metra regluna Innlent Stöðvaði miðasölu um leið og hann áttaði sig á stöðu mála Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Fádæma úrhelli á Ólafsfirði Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira
„Þetta er satt að segja ólíðandi,“ segir Hjálmar Sveinsson, formaður umhverfis- og skipulagsráðs Reykjavíkurborgar, um opnun hliða sem ætlað var að afmarka göngugötur í miðborginni. Skólavörðustígur og hluti Laugavegs eiga að standa lokaðir fyrir bílaumferð tvo daga í senn á aðventunni en hliðin hafa verið opnuð tvær síðustu helgar. Síðasta laugardag greindu sjónarvottar frá því að ákveðnir kaupmenn hefðu opnað hliðið við Laugaveginn með verkfærum. Hjálmar segir borgina líta á málið alvarlegum augum. „Ekki síst í ljósi þess að undanfari þessarar ákvörðunar, að hafa þetta lokað fyrir bílaumferð á helgum á aðventunni, var meðal annars gerð í kjölfar ítarlegrar skoðanakönnunar meðal 74 kaupmanna og rekstraraðila á þessum parti Laugavegsins,“ segir Hjálmar. „63 prósent þeirra sem svöruðu voru hlynnt þessu.“Sjá einnig: Lokað fyrir umferð bíla á Laugavegi um aðventuna Ljóst er þó að nokkrir kaupmenn setja sig upp á móti lokununum. Björn Jón Bragason, framkvæmdastjóri Samtaka kaupmanna og fasteignaeigenda við Laugaveg, sagði í samtali við Ísland í dag nýlega að þeim hefði verið mótmælt á fundi kaupmanna með borgaryfirvöldum.Innslag Íslands í dag um lokanirnar á Laugavegi má sjá hér fyrir neðan.„Ég var ekki á þessum fundi en það fer svona tveimur sögum af því öllu saman,“ segir Hjálmar. „Það hefur alla tíð verið meirihluti kaupmanna á Laugaveginum hlynntur þessum lokunum. Það kom mjög skýrt fram í tveimur viðamiklum könnunum á þessu ári og í fyrra. Svo eru náttúrulega 75 prósent Reykvíkinga fylgjandi þeim. Meðal annars er þess vegna búið að ákveða, og samþykkja, að þessi sumarlokun frá 1. maí til 1. október verði til frambúðar.“Ekki standi til að ræða frekar við þá grunuðu Upphaflega stóð til að hafa lokað allar helgar í aðventunni og svo frá 18. desember til aðfangadags. Til að koma til móts við óskir nokkra kaupmanna var fyrstu aðventuhelgi í nóvember sleppt og sömuleiðis mánudegi og þriðjudegi fyrir jól. „Þess vegna kom það vægast sagt á óvart að um leið og það á að framfylgja þessu sem var samþykkt, kjósa fáeinir aðilar strax að brjóta samkomulagið,“ segir Hjálmar. „Meira að segja aðilar, hef ég heimildir um, sem voru á þessum fundi. Það eru vitni að því og búið að tilkynna þetta til lögreglu. Ég á von á því að það verði gefin út ákæra.“Ákveðnir kaupmenn koma hlaupandi með verkfæri og opna hliðin jafnóðum og þeim er lokað. Ógeðis frekja og yfirgangur. pic.twitter.com/mOXJLjkkG7— Bobby Breiðholt (@Breidholt) December 12, 2015 Hann segir það örfáa menn sem standa í þessu en að borgin hafi ekki í hyggju að ræða sérstaklega við þá fyrir næstu lokun. Búið sé að ræða þetta oft og að mati Hjálmars sé þeim ekki treystandi. Hann segir borgina hafa þurft að kalla út bakvaktir vegna opnunnar hliðanna, bæði til að laga ónýta lása sem voru skemmdir og til þess að loka hliðunum aftur. „Þannig að þarna er verið að eyðileggja eignir borginnar, svíkja gert samkomulag og í rauninni stofna fólki í hættu sem vissi ekki betur, til dæmis á laugardaginn, en að það gæti gengið óhult eftir þessum hluta Laugavegsins,“ segir hann. „Þetta verður örugglega vaktað næst, en það er þá kostnaður sem var ekki reiknað með að kæmi til. Það var bara reiknað með að menn hlýddu ummælum og stæðu við samkomulag sem var búið að gera.“
Göngugötur Reykjavík Mest lesið Segir ljóst að Víðir hafi brotið stjórnsýslulög: „Það er verið að kaupa sér vinsældir“ Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Öryggismál að eiga reiðufé heima fyrir „ef í harðbakkann slær“ Innlent Ríkið keypti nýjan sendiherrabústað á 750 milljónir Innlent „Auðvitað bregður fólki“ Innlent Inga endurvekur 25 metra regluna Innlent Stöðvaði miðasölu um leið og hann áttaði sig á stöðu mála Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Fádæma úrhelli á Ólafsfirði Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira