Tæplega tíu þúsund miðar eftir á Bieber

Á morgun verður stóra miðasalan á Justin Bieber. Tæplega tíu þúsund miðar verða til sölu á tónleikana á morgun en það staðfesti Ísleifur Þórhallsson hjá Senu.

Kanadíski tónlistarmaðurinn Justin Bieber heldur tónleika hér á landi þann 9. september í Kórnum í Kópavogi.

Evrópuhluti Purpose tónleikatúrs Bieber hefst hér á landi og fer almenn miðasala fram á morgun klukkan 10.

Eru þetta einir stærstu tónleikar sem haldnir hafa verið hérlendis. Alls verða 19 þúsund miðar í boði. Meðlimir aðdáendaklúbbs Justins Bieber fengu fyrstir tækifæri til að kaupa miða á tónleikana í gær. Þrjá forsölur fóru síðan fram í dag á vegum Pepsi-Max, Senu og WOW Air.