Keflavíkurhraðlestin: „Þeir smitast af ákveðnu viðhorfi frá Sigga“

Domino's Körfuboltakvöld var á dagskrá Stöðvar 2 Sport á föstudagskvöldið.

Þar rökræddu sérfræðingar þáttarins um ýmis álitaefni tengd körfuboltanum á Íslandi og tóku meðal annars fyrir gengi Keflavíkurliðsins sem er enn ósigrað í deildinni.

Keflavík vann frábæran sigur á KR í síðustu umferð og er liðið til alls líklegt á tímabilinu. Talað er um nýja kynslóð af Keflavíkurhraðlestinni.

Þá barst talið aðallega að Reggie Dupree, leikmanni Keflavíkur, sem hefur hreinlega farið á kostum á tímabilinu.