Sannfærandi útisigrar hjá Snæfelli og Stjörnunni | Úrslit kvöldsins í kvennakörfunni

Allir þrír leikir kvöldsins í Domino´s deild kvenna í körfubolta unnust á útivelli en lið Hauka, Snæfells og Stjörnunnar fögnuðu öll sigri á útivelli í 6. umferð deildarinnar í kvöld.

Chelsie Alexa Schweers var sínum gömlu félögum erfiður í 81-64 sigri á Hamri í Hveragerði en þetta var fyrsti sigur Stjörnukvenna á útivelli í efstu deild.

Chelsie Alexa Schweers skoraði 41 stig í leiknum þar af 20 stig í fyrsta leikhlutanum þegar Hamarsliðið skoraði samtals 20 stig.

Gunnhildur Gunnarsdóttir átti frábæran leik í 83-60 sigri Snæfells í Grindavík en hún skoraði 26 stig á 30 mínútum í leiknum. Snæfell var bara fjórum stigum yfir í hálfleik, 39-35, en stakk af í þeim síðari.

Helena Sverrisdóttir var síðan með þrennu og sigur í systraslagnum þegar Haukakonur héldu sigurgöngu sinni áfram með 79-73 sigri á Val á Hlíðarenda. Haukaliðið hefur unnið alla fimm leiki sína á tímabilinu og Helena hefur verið 30 stig í tveimur leikjanna og þrennur í hinum þremur.



Úrslit og stigaskor úr öllum leikjum kvöldsins í Domino´s deild kvenna:



Grindavík-Snæfell 60-83 (11-19, 24-20, 11-19, 14-25)

Grindavík: Whitney Michelle Frazier 28/17 fráköst, Sigrún Sjöfn Ámundadóttir 9/9 fráköst, Ingunn Embla Kristínardóttir 8, Lilja Ósk Sigmarsdóttir 8/6 fráköst, Hrund Skuladóttir 3, Íris Sverrisdóttir 2, Jeanne Lois Figeroa Sicat 2.

Snæfell: Gunnhildur Gunnarsdóttir 26/6 fráköst, Haiden Denise Palmer 21/5 fráköst/5 stoðsendingar, Sara Diljá Sigurðardóttir 8, Bryndís Guðmundsdóttir 6/6 stoðsendingar, María Björnsdóttir 6, Berglind Gunnarsdóttir 6, Hugrún Eva Valdimarsdóttir 5/7 fráköst, Anna Soffía Lárusdóttir 3, Andrea Björt Ólafsdóttir 2.



Valur-Haukar 73-79 (15-16, 20-20, 18-29, 20-14)

Valur: Karisma Chapman 36/18 fráköst, Guðbjörg Sverrisdóttir 12/9 fráköst/6 stoðsendingar, Dagbjört Samúelsdóttir 10, Hallveig Jónsdóttir 8, Bergþóra Holton Tómasdóttir 4, Sóllilja Bjarnadóttir 3.

Haukar: Helena Sverrisdóttir 16/12 fráköst/10 stoðsendingar, Pálína María Gunnlaugsdóttir 15/6 fráköst, Sylvía Rún Hálfdanardóttir 15/5 fráköst, Jóhanna Björk Sveinsdóttir 11, Sólrún Inga Gísladóttir 8/5 fráköst, Eva Margrét Kristjánsdóttir 6/5 fráköst, Dýrfinna Arnardóttir 4, Þóra Kristín Jónsdóttir 2/6 fráköst, María Lind Sigurðardóttir 2.



Hamar-Stjarnan 64-81 (20-24, 19-13, 18-20, 7-24)

Hamar: Suriya McGuire 20/4 varin skot, Nína Jenný Kristjánsdóttir 14/7 fráköst, Jenný Harðardóttir 8, Íris Ásgeirsdóttir 7/7 fráköst, Heiða Björg Valdimarsdóttir 7/6 fráköst, Salbjörg Ragna Sævarsdóttir 4/13 fráköst/4 varin skot, Hrafnhildur Magnúsdóttir 2, Jóhanna Herdís Sævarsdóttir 2.

Stjarnan: Chelsie Alexa Schweers 41/8 fráköst, Margrét Kara Sturludóttir 16/25 fráköst/5 stoðsendingar, Bryndís Hanna Hreinsdóttir 11/5 stoðsendingar, Ragna Margrét Brynjarsdóttir 6/9 fráköst, Hafrún Hálfdánardóttir 5/5 fráköst, Kristín Fjóla Reynisdóttir 2.