Körfuboltakvöld: Ætlum að gefa honum viðurnefnið Dabbi Kóngur

„Við ætlum að gefa honum viðurnefnið Davíð konungur. Maður sem kyssir boltann á allt gott skilið,“ sagði Kjartan Atli Kjartansson, stjórnandi Körfuboltakvölds, um Davíð Arnar Ágústsson, leikmann Þórs Þorlákshöfn, eftir frábæra frammistöðu hans gegn ÍR á dögunum.

Davíð Arnar fór á kostum í leiknum en hann setti niður fimm þriggja stiga skot í sjö tilraunum en hann hefur hitt úr 14 af 19 skotum sínum fyrir utan þriggja stiga línuna.

„Það sem mér finnst stórkostlegt við þennan strák hvað hann er glaður. Það skín af honum leikgleðin og áhorfendurnir eru ánægðir með hann. Hann er duglegur að berja strákana áfram í liðinu sínu og svo er hann með þessa gullfallegu stroku þegar hann skýtur boltanum.“

Strákarnir í Körfuboltakvöldi ræddu frammistöðu Davíðs undanfarnar vikur í gær og má sjá innslagið hér að ofan.