Stórleikur í Sláturhúsinu og Körfuboltakvöld í beinni

Önnur umferð Dominos-deildar karla í körfubolta lýkur í kvöld með tveimur leikjum. Íslandsmeistarar KR, sem töpuðu óvænt gegn Stjörnunni í fyrstu umferð, taka á móti Þór frá Þorlákshöfn á heimavelli og í TM-höllinni í Keflavík fá heimamenn Hauka í heimsókn.

Báðir leikirnir verða í beinni textalýsingu á Vísi, en viðureign Keflavíkur og Hauka er einnig sjónvarpsleikur umferðarinnar og verður því í beinni útsendingu á Stöð 2 Sport HD.

Klukkan 22.00 er svo komið að öðrum þætti Dominos-Körfuboltakvölds á Stöð 2 Sport HD þar sem Kjartan Atli Kjartansson gerir upp aðra umferðina með sérfræðingum sínum. Þátturinn vakti mikla lukku á föstudagskvöldið þar sem Fannar Ólafsson og Jón Halldór Eðvaldsson fóru á kostum. Um fátt annað var rætt á Twitter það kvöldið.

Það sem Íslendingar töluðu um í dag: dominos365 (37,1%) voiceisl (24,3%) korfubolti (12,9%) fotboltinet (12,9%) mufc (12,9%)

— Íslendingur (@IcelandicRobot) October 17, 2015

Keflavík og Haukar unnu bæði sína leiki í fyrstu umferðinni. Keflvíkingar sóttu góðan sigur í Þorlákshöfn þar sem þeir skoruðu yfir 100 stig á Þórsara en Haukar lögðu Snæfell heima. Þar var Kári Jónsson nálægt þrennu sem hann náði ekki og fékk Ívar Ásgrímsson, þjálfari Hauka, að heyra það frá Fannari Ólafssyni fyrir að taka strákinn út af.

Einnig verður farið yfir aðra umferð Dominos-deildar kvenna í kvöld þar sem Bryndís Guðmundsdóttir byrjaði fyrsta leik sinn með Snæfelli á því að skora flautukörfu fyrir sigri á Stjörnunnni.

Stöð 2 Sport sýnir leik beint í hverri umferð í Dominos-deildum karla- og kvenna og Dominos-Körfuboltakvöld er svo alltaf á dagskrá eftir hverja umferð hjá körlunum.



Hægt er að næla sér í Sportpakka 365 með því að smella hér.

Fyrsti þáttur Dominos-Körfuboltakvölds í heild sinni: