Fjárlagafrumvarpið: 260 milljónir í forsetann

Framlög til forsetaembættisins munu nema 259,7 milljónir króna á næsta ári, samkvæmt fjárlagafrumvarpinu sem fjármálaráðherra kynnti í dag.

Það jafngildir 13,5 milljóna króna hækkun að raungildi frá fjárlögum yfirstandandi árs. Hækkunin nemur 26,3 milljónum króna að meðtöldum launa- og verðlagsbreytingum.

Í þingskjali sem fylgir fjárlagafrumvarpinu segir að breytingar séu af tvennum toga. „Annars vegar er 15,5 m.kr. hækkun vegna hlutdeildar í útgjaldasvigrúmi æðstu stjórnar ríkisins. Þar af eru 10,2 m.kr. til styrkingar á almennum rekstri embættisins en 5 m.kr. til drenlagnar við grunn gestahúss embættisins við Laufásveg. Hins vegar er 1,7 m.kr. lækkun á almennu rekstrarframlagi í samræmi við markmið um aðhald í útgjaldaramma.“