Einvígið á Nesinu, árlegt góðgerðarmót Nesklúbbsins og DHL, fór fram að viðstöddu fjölmenni í blíðskaparveðri á Nesvellinum í dag.
Þetta var í 19. sinn sem mótið var haldið en að þessu sinni fékk BUGL, barna- og unglingageðdeild Landsspítalans, eina milljón króna frá DHL.
Hinn 18 ára gamli Aron Snær Júlíusson úr GKG stal senunni á Nesinu í dag og stóð uppi sem sigurvegari eftir harða baráttu við atvinnumanninn Birgi Leif Hafþórsson.
Þetta var í fyrsta sinn sem Aron tekur þátt í Einvíginu á Nesinu og það er óhætt að segja að hann hafi byrjað með stæl.
Stefán Már Stefánsson lenti í 3. sæti og Hlynur Geir Hjartarson í því fjórða.
Andri Marinó Karlsson, ljósmyndari Fréttablaðsins og Vísis, var á Nesinu í dag og tók myndirnar sem fylgja fréttinni.
Strákurinn sló í gegn á Nesinu | Myndaveisla

Tengdar fréttir

Aron hafði betur gegn Birgi Leifi í bráðabana
Átjan ára strákur úr GKG, Aron Snær Júlíusson, gerði sér lítið fyrir og varð hlutskarpastur í Einvíginu á Nesinu sem var haldið í 19. sinn í dag.