Birgir Leifur Hafþórsson, kylfingur úr GKG, náði ekki að fylgja eftir góðu gengi á fyrstu níu holunum á Áskorendamótaröð Evrópu í Le Vaudreuil í Frakklandi í dag. Birgir Leifur fékk þrjá skolla og einn skramba og lauk leik á pari eftir góða spilamennsku á fyrri níu holum dagsins.
Birgir Leifur sem lauk leik á einu höggi undir pari í gær hóf leik á 10. holu í dag. Spilamennskan á fyrri níu holum dagsins var glæsileg en hann kom inn á fjórum höggum undir pari eftir að hafa lent í vandræðum á sömu holum í gær.
Birgir byrjaði seinni níu holur dagsins ágætlega en hann lék fyrstu fjóru holurnar á einu höggi yfir pari. Því fylgdu tvær slakar holur hjá Birgi sem lék þær á þremur höggum yfir pari. Skolli á átjándu holu gerði það að verkum að hann lék á einu höggi yfir pari í dag og á pari heilt yfir.
Óvíst er hvort hann nái í gegnum niðurskurðinn en eins og staðan er núna kemst Birgir Leifur ekki í gegn. Þurfa leikmenn að vera að minnsta kosti að vera einu höggi undir pari til þess að ná í gegn um niðurskurðinn en það er heill dagur eftir og gæti Birgir Leifur því náð að komast í gegn en útlitið er ekki gott.
Birgir Leifur í miklu basli á seinni níu
Tengdar fréttir
Birgir Leifur í 5.-9. sæti á Spáni
Birgir Leifur Hafþórsson endaði í 5.–9. sæti á Áskorendamótinu sem fram fór á Kanaríeyjum á Spáni.
Birgir Leifur lék fyrsta hringinn á einu undir pari
Birgir Leifur Hafþórsson fór vel af stað á Áskorendamótaröðinni í Frakklandi í dag.
Birgir Leifur fer vel af stað í Frakklandi
Birgir Leifur lauk fyrri níu holum vallarins á fjórum höggum undir pari.
Birgir Leifur: Tækifæri sem ég verð að nýta
Birgir Leifur, sem hefur borið sigur úr býtum undanfarin tvö ár í Íslandsmótinu í höggleik, tekur ekki þátt í ár. Þess í stað tekur hann þátt á sterku móti í Frakklandi eftir góðan árangur á Spáni um síðustu helgi.
