Bieber berar bossann á Bora Bora

Ef þú ferð til Bora Bora verðurðu að bera á þér bossann.

Það er í það minnsta skoðun söngvarans Justin Bieber sem lætur allt flakka á nýrri ljósmynd sem hann birti á Instagram-síðu sinni í dag.

Þar sést englabossinn standandi á snekkju út af ströndum hitabeltisparadísarinnar Bora Bora í Frönsku Pólýnesíu – bendandi á eitthvað við sjóndeildarhringinn.

Við myndina skrifaði hinn 21 árs gamli Bieber „Sjáið“  (eða „Look“) en óvíst er hvort hinn berrassaði hafi verið að beina athygli fólks að fjallstindinum í fjarska eða þjóhnöppunum í forgrunni.

Eitt er víst – myndin féll svo sannarlega í kram aðdáenda ungstirnisins sem hafa lækað myndina rúmlega 1.7 milljón sinnum.

Margir hafa gert sér mat úr myndinni. Þeirra á meðal var söngkonan Miley Cyrus sem átti aðeins við botninn á drengnum.