Til stendur að breyta reglum um aðgengi Íslendinga að skemmtiferðaskipum Jakob Bjarnar skrifar 3. júní 2015 15:17 Kampakátir ráðamenn og eigandi. Sigmundur Davíð, Guðmundur og Ragnheiður Elín sjá fram á góða, nýja og virðisaukandi viðbót í ferðaþjónustu á Íslandi. visir/gva Nokkrir helstu ráðamenn þjóðarinnar og fjölmiðlar mættu til móttöku í skemmtiferðaskipinu MS Ocean Dimond í Reykjavíkurhöfn í hádeginu í dag; þar sem nýr kostur í ferðaþjónustu var kynntur. Og má þetta heita söguleg stund því ekki hefur farþega- eða skemmtiferðaskip siglt frá Íslandi lengi, eða allt frá tímum Gullfoss, Heklu og Esju – tímar sem margir sjá í rósrauðum bjarma. En, galli er á gjöf Njarðar því Íslendingar mega ekki kaupa sér miða með skipinu. Þetta er vegna tollalaga en ráðherra ferðamála, Ragnheiður Elín Árnadóttir, boðaði það hins vegar, í stuttu ávarpi að hún myndi laga þetta í samstarfi við aðra ráðherra. „Þetta eru reglur sem verður að laga því það er óásættanlegt að Íslendingar geti ekki farið með skipinu. Við munum laga þetta,“ sagði Ragnheiður Elín, eða „fix it“ – en ávörp voru flutt á ensku.Ocean Diamond er glæsilegt skemmtiferðaskip. Það mun sigla í tíu daga ferðum umhverfis landið í allt sumar og tekur skipið 220 farþega.visir/gva„We will fix it“Siglingar hefjast um landið með skemmtiferðaskipinu og eru þær á vegum Iceland Pro Travel, en eigendur þess fyrirtækis eru Guðmundur Kjartansson og Anne-Cathrin Brocker. Heimahöfn skipsins er Reykjavík og var það sérstaklega innsiglað með athöfn þar sem hinn norski skipsstjóri tók við blómvendi sem Gísli Gíslason, hafnarstjóri Faxaflóahafna, afhenti. Skipið fer hringinn í kringum landið, í tíu daga ferðum með viðkomu í níu höfnum og þaðan eru svo farnar ferðir á fjöll og athyglisverða staði; ævintýraferðir. Ásamt Ragnheiði Elínu voru Sigmundur Davíð Gunnlaugsson forsætisráðherra og Anna Sigurlaug Pálsdóttir, kona hans, viðstödd athöfnina auk Dags B. Eggertssonar borgarstjóra. Ragnheiður Elín sagðist, við þetta tækifæri, fagna því mjög að til stæði að gera skipið út í siglingum um Ísland, þetta væri mikill virðisauki fyrir ferðaþjónustuna og þá um land allt. Þetta væri einmitt málið og í takti við stefnu ríkisstjórnarinnar í ferðamálum: Að beina ferðamannastraumi um landið allt en ekki bara að þeir kæmu til Reykjavíkur. Þetta væri fallegt skip, reksturinn íslenskur og lagt væri uppúr íslenskri framleiðslu, menningu og hefð. Og, svo boðaði Ragnheiður það að lögum og reglum yrði breytt þannig að Íslendingum væri gert kleift að fara með skipinu.Guðmundur eigandi ávarpar gesti. Skipið er allt hið glæsilegasta en myndin er tekin í sérstökum samkomusal þar sem móttakan var.visir/gvaGjöld og skattar til íslenska ríkisinsDagur borgarstjóri ávarpaði samkomuna, fagnaði mjög því að heimahöfn skipsins yrði í Reykjavík og hann hefði reynt að fá tímann lengdan, þann sem skipið dveldi í höfn því sannarlega væri vert að fara um landið að vetrarlagi. Dagur sló jafnframt á létta strengi, sagði létt verk að laga þessi ólög varðandi aðgengi Íslendinga, einfaldlega með því að ganga í Evrópusambandið. Ummæli hans féllu í misgrýttan jarðveg, þannig var ekki að sjá að forsætisráðherra hefði mikinn húmor fyrir þessu gríni Dags. En, það hýrnaði hins vegar yfir flestum viðstöddum þegar undirstrikað var, af hálfu eigenda í ávarpi, að þetta væri nýtt að því leyti til að fyrirtækið væri íslenskt og öll gjöld færu þannig til íslenska ríkisins.Gísli Gíslason hjá Faxaflóahöfnum afhendir Knúti, hinum norska skipsstjóra, blómvönd og innsiglar það að Reykjavík er heimahöfn skipsins.visir/gvaGuðmundur, annar eigenda, hefur verið búsettur í Hamborg undanfarin 20 ár þar sem hann hefur starfað í við ferðamál. Hann segir, í samtali við blaðamann Vísis, að þetta hafi verið lengi í undirbúningi, þrjú ár. Mestur tíminn hafi farið í að finna rétta skipið, sem komist þá í þær hafnir sem til standi að heimsækja. Eina höfnin sem MS Sea Diamond komist ekki í er Flatey, en þangað verður farið í Zodiac-gúmmíbátum, en 20 slíkir eru í skipinu. Skipið er í eigu þriggja Dana og er leigt til þessa verkefnis.1,2 milljónir fyrir miðannGuðmundur er afskaplega ánægður með viðtökurnar, segir að þegar séu 70 prósent ferðanna í sumar seld, sem telst mjög gott á 1. ári reksturs sem þessa. „Fyrsta árið er alltaf töff,“ segir Guðmundur. Í rekstri sem þessum sé reiknað með því að fyrsta árið sé rekið með tapi, annað sé í járnum og svo geti menn farið að sjá fram á hagnað. En, þetta líti mjög vel út með árið í ár, sem og næsta ár.Eigandinn í brúnni. Honum þykir reglurnar um að Íslendingar geti ekki ferðast með skipinu vegna tollalaga, afskaplega skrítnar.visir/gvaSkipið tekur 220 farþega, farið verði í tíu daga ferðir hringinn um landið og svo í haust verður boðið uppá siglingar til Grænlands. Verð er frá 3 þúsund Evrum á mann, sem leggur sig á 450 þúsund krónur en nær alveg uppí 8 þúsund Evrur, sem er um 1,2 milljón – þá fyrir svítur. Þetta er ný tegund ferðamennsku, nýir ferðamenn og spurður segir Guðmundur helmingur ferðamanna sem keypt hafa ferðir þýskumælandi, þá frá Þýskalandi og Sviss og svo eru það farþegar frá Bandaríkjunum, Bretlandi og Kanada. Ferðamennska á Íslandi Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Sjá meira
Nokkrir helstu ráðamenn þjóðarinnar og fjölmiðlar mættu til móttöku í skemmtiferðaskipinu MS Ocean Dimond í Reykjavíkurhöfn í hádeginu í dag; þar sem nýr kostur í ferðaþjónustu var kynntur. Og má þetta heita söguleg stund því ekki hefur farþega- eða skemmtiferðaskip siglt frá Íslandi lengi, eða allt frá tímum Gullfoss, Heklu og Esju – tímar sem margir sjá í rósrauðum bjarma. En, galli er á gjöf Njarðar því Íslendingar mega ekki kaupa sér miða með skipinu. Þetta er vegna tollalaga en ráðherra ferðamála, Ragnheiður Elín Árnadóttir, boðaði það hins vegar, í stuttu ávarpi að hún myndi laga þetta í samstarfi við aðra ráðherra. „Þetta eru reglur sem verður að laga því það er óásættanlegt að Íslendingar geti ekki farið með skipinu. Við munum laga þetta,“ sagði Ragnheiður Elín, eða „fix it“ – en ávörp voru flutt á ensku.Ocean Diamond er glæsilegt skemmtiferðaskip. Það mun sigla í tíu daga ferðum umhverfis landið í allt sumar og tekur skipið 220 farþega.visir/gva„We will fix it“Siglingar hefjast um landið með skemmtiferðaskipinu og eru þær á vegum Iceland Pro Travel, en eigendur þess fyrirtækis eru Guðmundur Kjartansson og Anne-Cathrin Brocker. Heimahöfn skipsins er Reykjavík og var það sérstaklega innsiglað með athöfn þar sem hinn norski skipsstjóri tók við blómvendi sem Gísli Gíslason, hafnarstjóri Faxaflóahafna, afhenti. Skipið fer hringinn í kringum landið, í tíu daga ferðum með viðkomu í níu höfnum og þaðan eru svo farnar ferðir á fjöll og athyglisverða staði; ævintýraferðir. Ásamt Ragnheiði Elínu voru Sigmundur Davíð Gunnlaugsson forsætisráðherra og Anna Sigurlaug Pálsdóttir, kona hans, viðstödd athöfnina auk Dags B. Eggertssonar borgarstjóra. Ragnheiður Elín sagðist, við þetta tækifæri, fagna því mjög að til stæði að gera skipið út í siglingum um Ísland, þetta væri mikill virðisauki fyrir ferðaþjónustuna og þá um land allt. Þetta væri einmitt málið og í takti við stefnu ríkisstjórnarinnar í ferðamálum: Að beina ferðamannastraumi um landið allt en ekki bara að þeir kæmu til Reykjavíkur. Þetta væri fallegt skip, reksturinn íslenskur og lagt væri uppúr íslenskri framleiðslu, menningu og hefð. Og, svo boðaði Ragnheiður það að lögum og reglum yrði breytt þannig að Íslendingum væri gert kleift að fara með skipinu.Guðmundur eigandi ávarpar gesti. Skipið er allt hið glæsilegasta en myndin er tekin í sérstökum samkomusal þar sem móttakan var.visir/gvaGjöld og skattar til íslenska ríkisinsDagur borgarstjóri ávarpaði samkomuna, fagnaði mjög því að heimahöfn skipsins yrði í Reykjavík og hann hefði reynt að fá tímann lengdan, þann sem skipið dveldi í höfn því sannarlega væri vert að fara um landið að vetrarlagi. Dagur sló jafnframt á létta strengi, sagði létt verk að laga þessi ólög varðandi aðgengi Íslendinga, einfaldlega með því að ganga í Evrópusambandið. Ummæli hans féllu í misgrýttan jarðveg, þannig var ekki að sjá að forsætisráðherra hefði mikinn húmor fyrir þessu gríni Dags. En, það hýrnaði hins vegar yfir flestum viðstöddum þegar undirstrikað var, af hálfu eigenda í ávarpi, að þetta væri nýtt að því leyti til að fyrirtækið væri íslenskt og öll gjöld færu þannig til íslenska ríkisins.Gísli Gíslason hjá Faxaflóahöfnum afhendir Knúti, hinum norska skipsstjóra, blómvönd og innsiglar það að Reykjavík er heimahöfn skipsins.visir/gvaGuðmundur, annar eigenda, hefur verið búsettur í Hamborg undanfarin 20 ár þar sem hann hefur starfað í við ferðamál. Hann segir, í samtali við blaðamann Vísis, að þetta hafi verið lengi í undirbúningi, þrjú ár. Mestur tíminn hafi farið í að finna rétta skipið, sem komist þá í þær hafnir sem til standi að heimsækja. Eina höfnin sem MS Sea Diamond komist ekki í er Flatey, en þangað verður farið í Zodiac-gúmmíbátum, en 20 slíkir eru í skipinu. Skipið er í eigu þriggja Dana og er leigt til þessa verkefnis.1,2 milljónir fyrir miðannGuðmundur er afskaplega ánægður með viðtökurnar, segir að þegar séu 70 prósent ferðanna í sumar seld, sem telst mjög gott á 1. ári reksturs sem þessa. „Fyrsta árið er alltaf töff,“ segir Guðmundur. Í rekstri sem þessum sé reiknað með því að fyrsta árið sé rekið með tapi, annað sé í járnum og svo geti menn farið að sjá fram á hagnað. En, þetta líti mjög vel út með árið í ár, sem og næsta ár.Eigandinn í brúnni. Honum þykir reglurnar um að Íslendingar geti ekki ferðast með skipinu vegna tollalaga, afskaplega skrítnar.visir/gvaSkipið tekur 220 farþega, farið verði í tíu daga ferðir hringinn um landið og svo í haust verður boðið uppá siglingar til Grænlands. Verð er frá 3 þúsund Evrum á mann, sem leggur sig á 450 þúsund krónur en nær alveg uppí 8 þúsund Evrur, sem er um 1,2 milljón – þá fyrir svítur. Þetta er ný tegund ferðamennsku, nýir ferðamenn og spurður segir Guðmundur helmingur ferðamanna sem keypt hafa ferðir þýskumælandi, þá frá Þýskalandi og Sviss og svo eru það farþegar frá Bandaríkjunum, Bretlandi og Kanada.
Ferðamennska á Íslandi Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda