Fresta boðuðum verkfallsaðgerðum

Samninganefndir Samiðnar, Grafíu/FBM stéttarfélags í prent- og miðlunargreinum, og Félags hársnyrtisveina, hafa komist að samkomulagi um að fresta boðuðum verkfallsaðgerðum félaganna sem áttu að hefast 10. júni til 22. júní.

Félögin hafa síðustu daga átt í viðræðum við Samtök atvinnulífsins um endurnýjun kjarasamninga.

Samiðn, Grafía /FBM, Félag hársnyrtisveina og SA hafa orðið sammála um að stefna að því að ljúka samningum fyrir 12. júní n.k. náist samkomulag um sérkröfur fyrir þann tíma.