Ferðir strætisvagna munu falla niður komi til verkfalls

Ferðir nokkurra leiða Strætó munu falla niður komi til verkfalls Starfsgreinasambandsins. Boðað hefur verið til verkfalls dagana 28. og 29. maí en ótímabundið verkfall á að hefjast 6. júní náist ekki að semja fyrir þann tíma.

Komi til verkfalls munu allar ferðir leiða 51, 56, 59, 72, 73, 74, 75, 78 og 79 falla niður. Að auki mun ferð leiðar 52 frá Mjódd kl. 10.00 falla niður og frá Landeyjarhöfn kl. 12.35 á sömu leið. Flestar ferðir leiðar 57 munu einnig falla niður með undantekningum þó.

Nánari upplýsingar um akstur leiða má finna inn á heimasíðu Strætó.