Magnaður McIlroy setti vallarmet á Quail Hollow

Rory McIlroy sýndi öllum af hverju hann er besti kylfingur heims á þriðja hring á Wells Fargo meistaramótinu en hann fór gjörsamlega á kostum og setti nýtt vallarmet á Quail Hollow vellinum.

McIlroy lék hringinn á 61 höggi eða heilum 11 undir pari en hann fékk sex fugla á seinni níu holunum og ekki einn einasta skolla. Hann sagði við fréttamenn eftir hringinn að völlurinn hentaði sér mjög vel en hann leiðir nú mótið með fjórum höggum á 18 höggum undir pari.

Webb Simpson er í öðru sæti á 14 höggum undir pari en Robert Streb er í þriðja sæti á 11 höggum undir, heilum sjö höggum á eftir McIlroy.

Það verður áhugavert að sjá hvort að einhverjum tekst að gera atlögu að Norður-Íranum unga á lokahringnum, sem verður þó að teljast ólíklegt miðað við frammistöðu hans á þriðja hring sem var hreint út sagt mögnuð.

Lokahringurinn verður í beinni útsendingu á Golfstöðinni frá klukkan 17:00 í kvöld.