Sigurður Páll Stefánsson, tvítugur strákur í liði Tindastóls, náði einstökum árangri í lokaúrslitum Dominos-deildar karla í körfubolta.
Sigurður Páll varð þá fyrsti leikmaðurinn í úrslitaeinvígi karla (opinber tölfræði til frá 1995) sem skorar að lágmarki fjórar þriggja stiga körfur án þess að klikka á skoti fyrir utan þriggja stiga línuna.
Sigurður Páll fékk bara að koma inná í tveimur leikjum og það voru báðir leikir Tindastóls í DHL-höllinni.
Sigurður Páll lék rétt rúmlega fjórar mínútur í hvort skipti og skoraði tvær þriggja stiga körfur í báðum leikjum.
Hann klikkaði ekki á skoti og átti einnig samtals þrjár stoðsendingar. Sigurður Páll var því með tólf stig og þrjár stoðsendingar á 8 mínútum og 23 sekúndum í lokaúrslitunum 2015.
Sigurður Páll var með sextán framlagsstig á þessum stutta tíma og hann nýtt spilatíma sinn einstaklega vel.
Það fylgir reyndar sögunni að þessar mínútur hans komu í lok leikjanna þegar úrslitin voru löngu ráðin en strákurinn nýtti engu að síður þriggja stiga skotin sína hundrað prósent.
Besta þriggja stiga nýting í lokaúrslitum karla 1995-2015
(Lágmark fjórar þriggja stiga körfur)
100 prósent - Sigurður Páll Stefánsson, Tindastól 2015 (hitti úr 4 af 4)
80 prósent - Halldór Rúnar Karlsson, Njarðvík 2001 (4 af 5)
71 prósent - Darri Hilmarsson, KR 2014 (12 af 17)
67 prósent - Marcus Walker, KR 2011 (14 af 21)
67 prósent - Magnús Þór Gunnarsson, Keflavík 2003 (8 af 12)
67 prósent - Jakob Örn Sigurðarson, KR 2000 (4 af 6)
67 prósent - Jón Arnór Stefánsson, KR 2000 (4 af 6)
61 prósent - Guðjón Skúlason, Keflavík 1997 (8 af 13)
58 prósent - Falur Harðarson, Keflavík 1997 (10 af 33)
Var með hundrað prósent þriggja stiga nýtingu í lokaúrslitunum
Tengdar fréttir
Dempsey: Mér líður ekki nógu vel
„Ég er þreyttur. Ég hef ekki verið með í tíu daga. Það er erfitt og ég er bara ekki í formi. En ég gerði það sem ég gat.“
Umfjöllun, viðtöl og myndir: Tindastóll - KR 81-88 | KR meistari annað árið í röð
Íslandsmeistarar KR vörðu titil sinn í Dominos-deild karla í kvöld með sigri á Tindastóli í fjórða leik í Síkinu.
Israel Martin: Ræði framtíðina síðar
Þjálfari Tindastóls var stoltur af sínu liði og hrósaði sterkri liðsheild sinna manna sérstaklega.
Þrettán ár síðan að þjálfari gerði lið að meisturum tvö ár í röð
Finnur Freyr Stefánsson gerði KR að Íslandsmeisturum annað árið í röð í gærkvöldi þegar KR-liðið vann 88-81 sigur í fjórða leiknum í úrslitaeinvíginu á móti Tindastól.
