Aron Kristjánsson landsliðsþjálfari hefur neyðst til þess að kalla á nýjan mann í landsliðshópinn fyrir leikinn gegn Serbíu.
Hann er búinn að kalla á hornamanninn Guðmund Árna Ólafsson sem að leikur með Mors-Thy í Danmörku.
Þetta er þjálfarinn að gera þar sem það er óvissa með þáttöku Alexanders Petersson í leiknum en hann er að glíma við meiðsli.
Það væri mikil blóðtaka fyrir Ísland ef Alexander getur ekki spilað þennan mikilvæga leik.
Leikurinn fer fram í Laugardalshöll á miðvikudagskvöldið.
Óvissa með Alexander fyrir Serbíu-leikinn
