Auddi ósáttur við dómnefndina: „Er ekki í lagi með Þorgerði?“

Auðunn Blöndal var ekki sáttur við að dómnefndin í Ísland got talent hafi stöðvað flutning hins 24 ára Svavars Elliða Svavarssonar á frumsömdu afmælislagi.

Auddi eins og hann er jafnan kallaður benti á að það væru til fjölmörg jólalög en bara eitt afmælislag. „Þetta gæti verið milljón dollara hugmynd hjá honum,“ sagði Auddi.

Dómarnarnir ýttu allir á x hnappinn og því þurfti Svavar að stöðva flutninginn á afmælislaginu. Þorgerður Katrín var fyrst að ýta á x hnappinn. Þá spurði Auddi: „Er ekki lagi með Þorgerði? Ég er að fýla þetta í tætlur,“ og bætti svo við að hann vildi fá Svavar til að syngja í sínu afmæli.

Hugsanlega heyrðu karlkyns meðlimir dómnefndarinnar í Audda því þeim snérist hugur við atkvæðagreiðsluna og sögðu báðir já. Það dugði hinsvegar ekki til því Svavar Elliði fékk nei frá Selmu og Þorgerði Katrínu og var sendur heim.