Guðjón Valur Sigurðsson náði sér ekki á strik líkt og félagar hans í liðinu þegar Ísland tapaði gegn Tékkum í kvöld. Hann skoraði ekki mark úr sex skotum, tölfræði sem sjaldan sést hjá honum.
„Þetta var algjört gjaldþrot hjá okkur. Því miður á ég enga skýringu því þetta var hreint út sagt léleg frammistaða frá fyrstu mínútu. Ég er gríðarlega svekktur og hálf orðlaus.“
En þið eruð komnir með bakið upp við vegg?
„Já og ískalt hlaupið í hnakkann. Við höfum verið í þeirri aðstöðu áður. Það er ótrúlegt að eiga ennþá sjens eftir svona frammistöðu. Við þurfum að rífa okkur upp úr skítnum. Þetta var gjaldþrot í dag en gerum eins og sannir Íslendingar, skiptum um kennitölu og byrjum 0-0 í næsta leik.“
Allt viðtalið má sjá spilaranum hér að ofan.
Guðjón Valur: Komnir með ískalt hlaupið í hnakkann
Tengdar fréttir
Björgvin Páll: Við vorum bara ekki klárir í þetta
Landsliðsmarkvörðurinn segir liðið ekki hafa verið rétt stillt andlega.
Einkunnir Gaupa: Leikmaður í Olís-deildinni með betri mönnum liðsins á HM
Það rignir ásum í einkunnagjöf Guðjóns Guðmundssonar eftir hörmungina gegn Tékklandi.
Umfjöllun: Ísland - Tékkland 25-36 | Hrun strákanna í Katar
Strákarnir þurfa að vinna sterkt lið Egyptalands til að sleppa við Forsetabikarinn.
Snorri Steinn: Til háborinnar skammar
Leikstjórnandinn var niðurlútur eftir ellefu marka tap Íslands gegn Tékklandi.
Alexander: Ég skil þetta bara ekki
Alexander Petersson segir að leikurinn gegn Tékklandi í kvöld hafi verið "katastrófa“.
