Frá því í gærmorgun hafa mælst um 50 jarðskjálftar í Bárðarbungu. Stærsti skjálftinn þar mældist 4,5 af stærð og skall hann á um kvöldmatarleytið í gærkvöldi en hann var við norðurjaðar öskjunnar.
Fimm skjálftar voru á stærðarbilinu 4 til 4,5. Tæplega 10 skjálftar voru í kvikuganginum, allir undir 2 af stærð.
Fáeinir skjálftar voru við norðanverðan Tungnafellsjökul í nótt, sá stærsti 2,2 af stærð.
Fimmtíu skjálftar í Bárðarbungu
