Ég ætla að reyna að hafa þessa grein óformlega og meira á persónulegu nótunum.
Þannig er mál með vexti að þú ert ekkert í allt of góðum málum eins og stendur. Það lítur allt út fyrir að verkfall sé á næsta leiti og þar sem að þú ert nemandi á framhaldsskólastigi mun þetta verkfall hafa áhrif á þitt nám.
Málið með verkfall er að ef það endist í tvo mánuði þýðir það ekki að öll sú vinna sem átti að klára fyrir þessa mánuði gufi skyndilega upp. Það verður enn þá gerð sú krafa til þín að klára það námsefni sem sett var fyrir í byrjun annar, sem þýðir að eftir verkfall hefst mikill álagstími. Allt það nám sem sett verður „á hold“ á meðan á verkfallinu stendur, verður að vinna upp! Þetta þýðir að mánuðirnir eftir verkfall munu reynast þér erfiðir kæri nemandi og biðin eftir langþráða sumarfríi gæti orðið lengri. Ef þú ert útskriftarnemi gætu afleiðingarnar orðið enn meiri fyrir þig.
Sem nemandi er það skylda þín að standa með sjálfum þér, þinni menntun og þeim manneskjum sem hafa það að hugsjón að mennta þig. Við þurfum að berjast fyrir launaleiðréttingu kennara, ekki launahækkun. Launahækkun er hugtak sem á ekki við þessar aðstæður þar sem kennarastarfið er gríðarlega vanmetið miðað við þá miklu ábyrgð sem það felur í sér. Okkur á ekki að finnast í lagi að vægi menntunar okkar sé metið svo lágt. Við erum framtíðin og við eigum betra skilið, Kennararnir okkar eiga betra skilið.
Næsta fimmtudag kl. 15.00 munu nemendur koma saman fyrir utan Alþingishúsið á Austurvelli og berjast fyrir bættum kjörum kennara.
Við erum að biðja þig um hjálp, við erum að biðja þig um að standa með okkur og mótmæla. Við mótmælum ekki verkfallinu sjálfu heldur þeim aðstæðum sem gefa kennurunum okkar enga annarra kosta völ en að fara í verkfall.
Sýnum þeim að okkur er ekki sama!
Með kveðjum frá
Laufey María - Formaður SÍF (Samband íslenskra framhaldsskólanema)
Karen Björk Eyþórsdóttir – Formaður nemendafélagsins í MH
Katrín Ósk Ágeirsdóttir – Formaður nemendafélagsins í Flensborg
Haukur Már Tómasson – Formaður nemendafélagsins í Kvennaskólanum í Rvk.
Agnes Alda Magnúsdóttir – Formaður nemendafélagsins í FG
Metúsalem Björnsson – Formaður nemendafélagsins í MK
Rakel Lind Úlfhéðinsdóttir – Formaður nemendafélagsins í FSu
Bjarni Karlsson – Formaður nemendafélagsins í MA
Tómas Guðjónsson – Formaður nemendafélagsins í FL
Guðmundur Jensson – Formaður nemendafélagsins í FSN
Sindri Freyr Guðjónsson – Formaður nemendafélagsins í FÍV
Ásrún Ósk Einarsdóttir – Formaður nemendafélagsins Í FSH
Daði Freyr Guðjónsson – Formaður nemendafélagsins í MB
Hólmfríður Lilja Birgisdóttir – Formaður nemendafélagsins í VMA
Guðmar Bjartur Elíasson – Formaður nemendafélagsins í FB
Sigurður Kristinsson – Formaður nemendafélagsins í VÍ
Eðvarð Þór Eyþórsson – Formaður nemendafélagsins í Iðnskólanum í Hafnarfirði
Jakob Steinn Stefánsson – Formaður nemendafélagsins í MS
Ísak Óli Traustason – Formaður nemendafélagsins í FNV
Arnheiður Steinþórsdóttir – Formaður nemendafélagsins í MÍ
Dóra Björg Björnsdóttir – Formaður nemendafélagsins í FAS
Lilja Dögg Gísladóttir/Birna Ketilsdóttir Schram – Formenn nemendafélaga í MR
Sigurður Einar Jónsson – Formaður nemendafélagsins í Tækniskólanum
Margrét Helga Ísaksen – Formaður nemendafélagsins í FVA
Maria Christina Thorarensen – Formaður nemendafélagsins í FÁ
Erlingur Örn Árnason – Formaður nemendafélagsins í Fmos
Hjörleifur Þórisson – Formaður nemendafélagsins í Borgarholtsskóla
Elva Dögg Sigurðardóttir – Formaður nemendafélagsins í FS
