Umfjöllun og viðtöl: ÍBV - Akureyri 28-20 | Öruggt hjá Íslandsmeisturunum Guðmundur Tómas Sigfússon skrifar 6. desember 2014 00:01 Vísir/Daníel Eyjamenn sigruðu Akureyringa með yfirburðum 28-20 í Vestmannaeyjum í dag. Frábær fyrri hálfleikur heimamanna lagði grunninn að sigrinum en vörn þeirra var ótrúleg.Sindri Haraldsson var kominn aftur inn í leikmannahóp Eyjamanna og er það augljóslega mjög gott fyrir liðið. Sindri kemur inn með þessa stemningu sem hefur oft á tíðum vantað. Það sást strax á upphafsmínútum leiksins hvort liðið myndi vinna en fyrsti þriðjungur leiksins var ótrúlegur. Allt virtist ganga upp hjá Eyjamönnum jafnt varnarlega og sóknarlega en ekkert hjá Akureyringum. Þó svo að mætingin hafa ekki verið frábær í upphafi leiks var stemningin mjög góð. Það hefur sýnt sig að þegar vörn Eyjamanna er svona góð fylgir stemningin ávallt með. Agnar Smári Jónsson er að komast í betra stand eftir meiðsli og sýndi mjög góða kafla í leiknum en hann tók ótrúlega mikið af skotum. Eftir fimmtán mínútna leik var staðan 7-2 og virtust gestirnir ekki hafa viljann til þess að koma til baka. Sóknarlega var voðalega lítið að frétta og létu þeir veiða sig í erfiðar stöður. Þegar sjö mínútur voru eftir af fyrri hálfleik leiddu heimamenn með sjö mörkum. Þá ákvað Tomas Olason, markvörður gestanna, að skipta í næsta gír en hann varði þá tíu skot áður en að fyrri hálfleik lauk. Í síðari hálfleik höfðu Eyjamenn ennþá öll völd á vellinum og ætluðu alls ekki að hleypa gestunum inn í leikinn. Hvað eftir annað hentu leikmenn gestanna boltanum beint í fang Eyjamanna og fengust þar auðveld hraðaupphlaup sem hafa verið aðalsmerki Eyjamanna undanfarin ár. Theodór Sigurbjörnsson var heiðraður fyrir leik þar sem hann hafði spilað hundrað leiki fyrir félagið en hann hélt upp á það með stórleik í dag. Theodór skoraði níu mörk og var besti leikmaður vallarins í dag. Á lokakaflanum tókst gestunum að saxa á forskotið en þeir skoruðu þá fimm mörk í röð. Þau mörk dugðu skammt því að heimamenn voru einfaldlega alltof sterkir. Liðin hafa því sætaskipti í töflunni og taka Eyjamenn sér stöðu í fimmta sæti deildarinnar. Gunnar Magnússon: Getum unnið öll lið á góðum degi„Þetta var frábær leikur og ég er ánægður með strákana í dag. Við byrjum þetta af krafti og héldum þeim frá okkur allan tímann,“ sagði Gunnar Magnússon, þjálfari Eyjamanna, eftir öruggan sigur á Akureyringum í dag. „Varnarlega var þetta mjög gott og markmennirnir voru góðir. Vörnin hefur verið fín síðustu leiki en tæknifeilarnir sóknarlega hafa verið að drepa okkur. Í dag vorum við hrikalega agaðir sóknarlega.“ Eyjamenn töpuðu þremur leikjum í röð en hafa nú unnið tvo síðustu gegn HK-ingum og nú Akureyringum. „Við getum unnið öll lið á góðum degi og getum líka tapað fyrir öllum. Við erum að reyna að vinna í því að fá stöðugleika sem er lykillinn að framhaldinu. „Það var gott að fá Sindra inn í þetta í dag og Aggi er að koma meira og meira inn í þetta. Auðvitað styrkir þetta hópinn,“ sagði Gunnar. Atli Hilmarsson: Tuttugu glataðir boltar segja ýmislegt„Það fór eiginlega allt úrskeiðis, þeir voru betri en við á öllum sviðum í dag. Ekki nóg með það að við værum að skipta vitlaust inn á heldur hvar sem var borið niður, þá voru þeir betri en við í öllu í dag,“ sagði Atli Hilmarsson, þjálfari Akureyringa, eftir vægast sagt ömurlegt tap í Vestmannaeyjum. „Við vorum með tuttugu glataða bolta í okkar sóknarleik sem segir ýmislegt. Þeir refsa okkur með hraðaupphlaupum og flestar sóknirnar okkar enda ekki með skotum, þar sem við erum að gefa þeim auðveld mörk.“ Akureyringar töpuðu einnig stórt gegn Valsmönnum um síðustu helgi. „Við erum að skora mjög fá mörk, það er eitthvað sem við verðum að bæta. Það er samt ýmislegt að og við þurfum að fara að vinna í því.“ „Á móti Val áttum við aldrei séns og í dag var það alveg eins, þetta er eitthvað sem við verðum að skoða,“ sagði Atli. Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Marlena er sigurvegari Bakgarðshlaupsins Sport Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Eyjamenn sigruðu Akureyringa með yfirburðum 28-20 í Vestmannaeyjum í dag. Frábær fyrri hálfleikur heimamanna lagði grunninn að sigrinum en vörn þeirra var ótrúleg.Sindri Haraldsson var kominn aftur inn í leikmannahóp Eyjamanna og er það augljóslega mjög gott fyrir liðið. Sindri kemur inn með þessa stemningu sem hefur oft á tíðum vantað. Það sást strax á upphafsmínútum leiksins hvort liðið myndi vinna en fyrsti þriðjungur leiksins var ótrúlegur. Allt virtist ganga upp hjá Eyjamönnum jafnt varnarlega og sóknarlega en ekkert hjá Akureyringum. Þó svo að mætingin hafa ekki verið frábær í upphafi leiks var stemningin mjög góð. Það hefur sýnt sig að þegar vörn Eyjamanna er svona góð fylgir stemningin ávallt með. Agnar Smári Jónsson er að komast í betra stand eftir meiðsli og sýndi mjög góða kafla í leiknum en hann tók ótrúlega mikið af skotum. Eftir fimmtán mínútna leik var staðan 7-2 og virtust gestirnir ekki hafa viljann til þess að koma til baka. Sóknarlega var voðalega lítið að frétta og létu þeir veiða sig í erfiðar stöður. Þegar sjö mínútur voru eftir af fyrri hálfleik leiddu heimamenn með sjö mörkum. Þá ákvað Tomas Olason, markvörður gestanna, að skipta í næsta gír en hann varði þá tíu skot áður en að fyrri hálfleik lauk. Í síðari hálfleik höfðu Eyjamenn ennþá öll völd á vellinum og ætluðu alls ekki að hleypa gestunum inn í leikinn. Hvað eftir annað hentu leikmenn gestanna boltanum beint í fang Eyjamanna og fengust þar auðveld hraðaupphlaup sem hafa verið aðalsmerki Eyjamanna undanfarin ár. Theodór Sigurbjörnsson var heiðraður fyrir leik þar sem hann hafði spilað hundrað leiki fyrir félagið en hann hélt upp á það með stórleik í dag. Theodór skoraði níu mörk og var besti leikmaður vallarins í dag. Á lokakaflanum tókst gestunum að saxa á forskotið en þeir skoruðu þá fimm mörk í röð. Þau mörk dugðu skammt því að heimamenn voru einfaldlega alltof sterkir. Liðin hafa því sætaskipti í töflunni og taka Eyjamenn sér stöðu í fimmta sæti deildarinnar. Gunnar Magnússon: Getum unnið öll lið á góðum degi„Þetta var frábær leikur og ég er ánægður með strákana í dag. Við byrjum þetta af krafti og héldum þeim frá okkur allan tímann,“ sagði Gunnar Magnússon, þjálfari Eyjamanna, eftir öruggan sigur á Akureyringum í dag. „Varnarlega var þetta mjög gott og markmennirnir voru góðir. Vörnin hefur verið fín síðustu leiki en tæknifeilarnir sóknarlega hafa verið að drepa okkur. Í dag vorum við hrikalega agaðir sóknarlega.“ Eyjamenn töpuðu þremur leikjum í röð en hafa nú unnið tvo síðustu gegn HK-ingum og nú Akureyringum. „Við getum unnið öll lið á góðum degi og getum líka tapað fyrir öllum. Við erum að reyna að vinna í því að fá stöðugleika sem er lykillinn að framhaldinu. „Það var gott að fá Sindra inn í þetta í dag og Aggi er að koma meira og meira inn í þetta. Auðvitað styrkir þetta hópinn,“ sagði Gunnar. Atli Hilmarsson: Tuttugu glataðir boltar segja ýmislegt„Það fór eiginlega allt úrskeiðis, þeir voru betri en við á öllum sviðum í dag. Ekki nóg með það að við værum að skipta vitlaust inn á heldur hvar sem var borið niður, þá voru þeir betri en við í öllu í dag,“ sagði Atli Hilmarsson, þjálfari Akureyringa, eftir vægast sagt ömurlegt tap í Vestmannaeyjum. „Við vorum með tuttugu glataða bolta í okkar sóknarleik sem segir ýmislegt. Þeir refsa okkur með hraðaupphlaupum og flestar sóknirnar okkar enda ekki með skotum, þar sem við erum að gefa þeim auðveld mörk.“ Akureyringar töpuðu einnig stórt gegn Valsmönnum um síðustu helgi. „Við erum að skora mjög fá mörk, það er eitthvað sem við verðum að bæta. Það er samt ýmislegt að og við þurfum að fara að vinna í því.“ „Á móti Val áttum við aldrei séns og í dag var það alveg eins, þetta er eitthvað sem við verðum að skoða,“ sagði Atli.
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Marlena er sigurvegari Bakgarðshlaupsins Sport Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira