Svona er að vera keppandi í Ísland Got Talent

Ný stikla fyrir sjónvarpsþáttinn Ísland Got Talent sýnir nákvæmlega hvað keppendur þurfa að ganga í gegnum áður en þeir reyna að heilla dómnefndina í þáttunum en áheyrnarprufuferlið getur tekið á taugarnar.

Ísland Got Talent snýr aftur í janúar á Stöð 2 en fyrsta sería af þættinum sló öll met þegar hún var sýnd í lok síðasta árs og byrjun þessa árs.

Önnur sería verður með svipuðu sniði en þó er sú nýbreytni að dómarar geta ekki aðeins ýtt á rauða hnappa heldur einnig gyllta sem sendir keppendur beint í undanúrslit í beinni útsendingu.

Kynnir þáttanna er sem fyrr Auðunn Blöndal en í dómnefnd sitja þau Bubbi Morthens, Þorgerður Katrín Gunnarsdóttir, Selma Björnsdóttir og Jón Jónsson.