Haukum hefur fatast flugið í Dominos-deild karla í körfubolta eftir fjóra sigra í byrjun leiktíðar. Þeir töpuðu þriðja leiknum í röð í gærkvöldi þegar þeir sóttu Íslandsmeistara KR heim.
Sjá einnig:Umfjöllun, viðtöl og myndir: KR - Haukar 93-78 | Fátt virðist geta stöðvað KR
Þrátt fyrir tapið geta stuðningsmenn Hauka aðeins yljað sér yfir flottum tilþrifum sinna manna þó þeir hefðu vitaskuld frekar þegið fleiri sigra.
Hjálmar Stefánsson bauð upp á glæsileg tilþrif þegar hann varði skot Bandaríkjamannsins öfluga Michaels Craions eins og sjá mátti á Vísi í gærkvöldi, en Hafnafjarðarliðið átti líka flottar sóknir.
Þegar rúmar fimm mínútur voru eftir af fyrsta leikhluta bar leikstjórnandi liðsins, Emil Barja, upp boltann og fann Bandaríkjamanninn Alex Francis með stórkostlegri gólfsendingu. Francis þakkaði pent fyrir sig og tróð boltanum með látum í körfuna.
„Upp með sokkana - það er bingó í sal,“ hrópaði Svali Björgvinsson sem lýsti leiknum með Arnari Björnssyni í gærkvöldi.
Þessi flottu tilþrif má sjá í spilaranum hér að ofan.
Bingó í sal hjá Haukum - sjáðu frábæra troðslu Francis
Tengdar fréttir
Mögnuð tilþrif Hjálmars gegn KR | Myndband
Haukamaðurinn ungi með frábæra vörslu gegn KR-ingnum Michael Craion.
Umfjöllun, viðtöl og myndir: KR - Haukar 93-78 | Fátt virðist geta stöðvað KR
KR er enn með fullt hús stiga á toppi Dominos deildar karla í körfubolta eftir öruggan 93-78 sigur á Haukum á heimavelli sínum í kvöld.
