Ólafur Björn Loftsson, Nesklúbbnum, er sem stendur á meðal tíu efstu manna á lokaúrtökumótinu fyrir Nordic Ecco atvinnumótaröðina.
Mótið fer fram á Skjoldernæsholm vellinum á Sjálandi, en 50 efstu keppendurnir komast í gegnum niðurskurðinn eftir annan keppnisdag.
Ólafur lék á tveimur höggum undir pari á öðrum keppnisdeginum, en hann fékk alls þrjá fugla og einn skolla á hringnum í dag. Hann hefur leikið samtals á þremur höggum undir pari.
