Körfuknattleikskonan Sigrún Sjöfn Ámundadóttir er gengin í raðir Norrköping Dolphins frá KR. Sigrún gerði eins árs samning við sænska liðið.
Sigrún, sem er 25 ára gömul, skoraði 16,3 stig, tók 10,8 fráköst og gaf 3,1 stoðsendingu að meðaltali í leik með KR á síðasta tímabili.
Þetta er ekki í fyrsta sinn sem Sigrún reynir fyrir sér í atvinnumennsku, en tímabilið 2010-2011 lék hún í Frakklandi með þriðju deildar liði Olympique Sannois Saint-Gratien.
